Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

“Una Fɔ De Mɛmba. . . Ɔl dɛn Tin” Ya

“Una Fɔ De Mɛmba. . . Ɔl dɛn Tin” Ya

Us tin dɛn? Lɛta Fɔ Filipay 4:​8 se wi fɔ de mɛmba dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, dɛn tin we ɔlman si se gud, ɛn ɔl dɛn tin we pɔsin kin prez Gɔd fɔ. Na tru se as Kristian dɛn, nɔto tin dɛn we de na di Baybul nɔmɔ wi kin de tink bɔt. Bɔt di tin dɛn we wi de tink bɔt fɔ mek Jiova gladi. Wi nɔ fɔ tink bɔt tin dɛn we go mek i nɔ izi fɔ mek wi fetful to am.—Sam 19:​14.

I nɔ izi fɔ mek wi avɔyd fɔ de tink bɔt tin dɛn we nɔ fayn. Nɔto wi bɔdi we nɔ pafɛkt nɔmɔ wi de fɛt wit; bɔt wi de fɛt bak wit Setan we na “di gɔd insay dis tɛm.” (2Kɔ 4:​4, NW) Bikɔs na in de kɔntrol di tin dɛn we kin de na tɛlivishɔn, redio, intanɛt, nyuzpepa, magazin ɛn buk dɛn, na dat mek di tin dɛn we kin de, de nɔ fayn. If wi nɔ tek tɛm pik di tin dɛn we wi de ful-ɔp wi maynd wit, wi go bigin tink bɔt bad tin dɛn, ɛn smɔl smɔl dat kin afɛkt di we aw wi de biev.—Jem 1:​14, 15.

WACH DI FIM WE GƐT DI TAYTUL, AVƆYD TIN DƐN WE GO MEK WI KƆMƆT BIƐN JIOVA—BAD WE FƆ ƐNJƆY WISƐF, DƆN UNA ANSA DI KWƐSTYƆN DƐN WE DE DƆŊ: