Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

If Pikin Ansa we Wi Nak na Domɔt

If Pikin Ansa we Wi Nak na Domɔt

We wi de prich, if pikin ansa we wi nak na domɔt, wi fɔ tɛl am se wi want fɔ tɔk to in mama ɛn papa. Dis de sho se wi rɛspɛkt dɛn as pipul dɛn we de oba di famili. (Prɔv. 6:20) If di pikin tɛl wi fɔ go insay, wi nɔ fɔ gri. If in mama ɛn papa nɔ de, wi fɔ kam bak ɔda tɛm.

If di pikin dɔn big smɔl ɛn sɔntɛm i ol lɛk 16 to 19 ia, i go stil fayn fɔ aks fɔ in mama ɛn papa. If dɛn nɔ de, wi kin aks am if in mama ɛn papa kin gri fɔ mek i pik wetin i de rid. If dɛn kin gri fɔ mek i du dat, wi kin gi am buk ɔ magazin ɛn sɔntɛm wi kin sho am jw.org.

We wi go bak fɔ go du ritɔn visit to di yɔŋ pɔsin we sho se i want fɔ no mɔ, wi fɔ tɛl am se wi want fɔ tɔk to in mama ɛn papa. Dis go alaw wi fɔ ɛksplen to dɛn wetin mek wi de kam to dɛn pikin ɛn sho dɛn di fayn advays we de na di Baybul fɔ famili dɛn. (Sam 119:86, 138) We wi sho se wi gɛt rɛspɛkt fɔ di mama ɛn papa dat go mek wi gɛt fayn chans fɔ prich to dɛn ɛn i go gi wi di chans bak fɔ prich di gud nyus to di famili.—1Pit 2:12.