Go dayrɛkt to di men tin

Go dayrɛkt to di say we di difrɛn difrɛn atikul dɛn de

 DI VALYU TIN DƐN FRƆM GƆD IN WƆD | MATYU 20-21

“If Ɛni Wan pan Una Want fɔ Bi Bigman, I Fɔ Wok fɔ Una Lɛkɛ se In Na Una Bɔy”

“If Ɛni Wan pan Una Want fɔ Bi Bigman, I Fɔ Wok fɔ Una Lɛkɛ se In Na Una Bɔy”

20:​28

Di prawd Ju lɔ ticha dɛn ɛn di Faresi dɛn bin lɛk fɔ mek pipul dɛn si ɛn grit dɛn na makit

Di prawd Ju lɔ ticha dɛn ɛn di Faresi dɛn bin lɛk fɔ de bifo pan ɔltin ɛn dɛn bin want mek ɔda pipul dɛn kɔle pan dɛn. (Mat 23:​5-7) Bɔt Jizɔs bin difrɛn. Di Baybul se: “Mɔtalman Pikin, . . . nɔ kam fɔ mek mɔtalman bi in savant, bɔt i kam bi dɛn savant.” (Mat 20:​28) We wi de wɔship Gɔd, na di tin dɛn nɔmɔ we pipul dɛn de si ɛn we go mek dɛn prez wi, wi de du? If wi want fɔ bi pɔsin we impɔtant na Jiova in yay, wi fɔ falamakata Jizɔs ɛn du ɔl wetin wi ebul fɔ ɛp pipul dɛn. Wi kin du wok dɛn we ɔda pipul dɛn nɔ de notis; na Jiova nɔmɔ de si. (Mat 6:​1-4) Pɔsin we rɛdi fɔ wok fɔ ɔda pipul dɛn go . . .

  • ɛp fɔ klin ɛn kia fɔ di Kiŋdɔm Ɔl

  • rɛdi fɔ ɛp di wan dɛn we dɔn ol ɛn ɔda pipul dɛn

  • gi kɔntribyushɔn fɔ ɛp mek di wok go bifo