Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Wɛlkɔm di Wan dɛn we Wi Invayt

Wɛlkɔm di Wan dɛn we Wi Invayt

I go pas lɛk 12 milyɔn pipul dɛn so we wi invayt we wi de tink se go atɛnd di Mɛmorial we go bi Mach 23. Dɛn go rili bɛnifit we di spika go tɔk bɔt di fayn tin we Jiova du we i mek Jizɔs kam day fɔ wi ɛn sɔm pan di blɛsin dɛn we mɔtalman gɛt fɔ ɛnjɔy tumara bambay! (Ayz 11:6-9; 35:5, 6; 65:21-23; Jɔn 3:16) Bɔt nɔto di spika nɔmɔ gɛt di wok fɔ ɛp di wan dɛn we kam dis spɛshal program we wi go gɛt. Wi ɔl go tek pat bay we wi wɛlkɔm di wan dɛn we wi invayt. (Rom 15:7) Dis na sɔm tin dɛn we yu go du.

  • Bifo yu go sidɔm na yu sidɔm ples de wet fɔ mek di program bigin, i go fayn fɔ wɛlkɔm di wan dɛn we wi invayt ɛn di wan dɛn we bin dɔn lɛf fɔ sav Jiova bay we wi smayl ɛn grit dɛn fayn

  • As yu de pe atɛnshɔn to di wan dɛn we yu sabi ɛn we yu invayt, yu fɔ rɛdi bak fɔ wɛlkɔm di wan dɛn we kam di program bikɔs dɛn bin invayt dɛn di tɛm we wi bin de sheb sheb di inviteshɔn. Yu kin mek dɛn nyu wan dɛn ya sidɔm wit yu, ɛn una kin yuz yu Baybul ɛn yu siŋbuk

  • Afta di spika dɔn fɔ tɔk, yu fɔ rɛdi fɔ ansa kwɛstyɔn dɛn we dɛn nyu wan dɛn ya go aks. If bɛtɛ tɛm nɔ de bikɔs yu kɔngrigeshɔn fɔ kɔmɔt na di ɔl fɔ ɔda kɔngrigeshɔn, na fɔ arenj wit di pɔsin so dat yu go fɛn am bak afta sɔm dez. If yu nɔ gɛt in adrɛs ɔ fon nɔmba yu kin tɔk se: “A go lɛk fɔ yɛri wetin yu tink bɔt di program. Ɛniwe de we a go ebul fɔ tɔk to yu bak?”