LIV YU LAYF LƐK KRISTIAN
Wetin Jiova Go Tink?
Bifo wi disayd fɔ du ɛnitin ilɛk i big ɔ smɔl, wi kin aks wisɛf ‘wetin Jiova go tink?’ Pan ɔl we wi nɔ go ɛva sabi ɔltin bɔt aw Jiova de tink, di tin dɛn we de insay in Wɔd de ɛp wi fɔ ebul “du ɔl kayn gud wok.” (2Ti 3:16, 17; Rom 11:33, 34) Jizɔs bin no wetin Jiova want ɛn na dat i bin put bifo ɛni ɔda tin na in layf. (Jɔn 4:34) Lɛ wi falamakata Jizɔs ɛn du ɔl wetin wi ebul fɔ mek shɔ se di tin dɛn we wi disayd fɔ du go mek Jiova gladi.—Jɔn 8:28, 29; Ɛfi 5:15-17.
WACH DI FIM WE GƐT DI TAYTUL, KƆNTINYU FƆ TRAY FƆ NO WETIN JIOVA WANT (LƐV 19:18); DƆN UNA ANSA DI KWƐSTYƆN DƐN WE DE DƆŊ:
-
Wetin mek wi fɔ fala di prinsipul dɛn we de insay di Baybul na wi layf?
-
Us Baybul prinsipul dɛn fɔ afɛkt di kayn myuzik we wi de lisin to?
-
Us Baybul prinsipul dɛn fɔ afɛkt wetin wi de pik fɔ wɛr ɛn aw fɔ drɛs?
-
Us ɔda eria dɛn na layf wi fɔ fala di prinsipul dɛn we de insay di Baybul?
-
Aw wi go ebul fɔ lan mɔ bɔt wetin Jiova want?
Wetin di tin dɛn we a disayd fɔ du de sho bɔt mi padi biznɛs wit Jiova?
