Go dayrɛkt to di men tin

Go dayrɛkt to di say we di difrɛn difrɛn atikul dɛn de

 DI VALYU TIN DƐN FRƆM GƆD IN WƆD | JƐRIMAYA 51-52

Wetin Jiova Dɔn Tɔk De Kam Tru Jɔs Lɛk Aw I Se I Go Apin

Wetin Jiova Dɔn Tɔk De Kam Tru Jɔs Lɛk Aw I Se I Go Apin

Jiova bin tɔk kɔrɛkt wan wetin gɛt fɔ apin tumara bambay

Wan rɔyal Pashian gaydman we de yuz bo ɛn aro

“Shap di aro dɛm”

51:​11, 28

  • Di Mɛdis ɛn di Pashian dɛn na pipul dɛn we bin sabi yuz bo ɛn aro, ɛn na bo na bin dɛn men wɛpɔn. Dɛn bin de shap dɛn aro dɛn fayn fayn wan so dat dɛn go go rayt insay pɔsin in bɔdi

“Di sojaman dɛm na Babilɔn dɔn lɛf fɔ fɛt”

51:​30

  • Wan kle tablɛt we dɛn kɔl di Nabonaydɔs Kronikul, se: “Sayrɔs in amiman dɛn go insay Babilɔn we dɛn nɔ ivin fɛt.” I go mɔs min se dɛn nɔ bin fɛt Babilɔn ɛn dat gri wit wetin Jɛrimaya bin dɔn tɔk

Di Nabonaydɔs Kronikul

“Babilɔn go tɔn ruin payl ɛn i go tɔn gud fɔ natin ples sote go”

51:​37, 62

  • Babilɔn in pawa bigin fɔ dɔn arawnd di ia 539 bifo Krays. Alɛgzanda di Gret bin want fɔ mek Babilɔn bi in siti, bɔt i nɔ bin tu te na in i day. Di tɛm we di Kristian rilijɔn bin bigin, sɔm Ju pipul dɛn bin stil de na Babilɔn, we bin mek di apɔsul Pita bin go de. Bɔt bay di ia 400 bifo Krays, dɛn bin dɔn pwɛl di siti, ɛn as tɛm de go nɔbɔdi nɔ bin ebul fɔ liv de igen

We Baybul prɔfɛsi de kam tru, aw dat fɔ afɛkt mi?

 

Wetin a go tich ɔda pipul dɛn bɔt dis prɔfɛsi?