Go dayrɛkt to di men tin

Go dayrɛkt to di say we di difrɛn difrɛn atikul dɛn de

 DI VALYU TIN DƐN FRƆM GƆD IN WƆD | JƐNƐSIS 9-11

“Na Wangren Laŋwej Ɔlman na di Wɔl Bin De Tɔk”

“Na Wangren Laŋwej Ɔlman na di Wɔl Bin De Tɔk”

11:​1-4, 6-9

Di wan dɛn we bin de na Babɛl nɔ bin de obe Jiova, so Jiova bin mek dɛn skata bay we i kɔnfyus dɛn langwej. Insay wi yon tɛm, Jiova de gɛda bɔku bɔku pipul dɛn we kɔmɔt difrɛn say dɛn ɛn we de tɔk difrɛn langwej dɛn. I de mek dɛn tɔk “wan klin langwej, so dat dɛn ɔl go kɔl Jiova in nem, ɛn wɔship am wit wanwɔd.” (Zɛf 3:​9, NWT; Rɛv 7:​9) Dis “klin langwej” na di tru tin bɔt Jiova ɛn di tin dɛn we i want, lɛk aw i de insay di Baybul.

Fɔ lan nyu langwej nɔ jɔs min fɔ kram nyu wɔd dɛn. Bɔt i min se wi fɔ lan fɔ tink nyu we. Semweso, as wi de lan di klin langwej bɔt di tru, wi fɔ chenj di we aw wi de tink. (Rom 12:​2) Nɔto wangren tɛm pɔsin de du dis ɛn na dat mek Gɔd in pipul dɛn gɛt wanwɔd.—1Kɔ 1:​10.