Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Lɛ Wi Tray fɔ Du Dis we Wi De Prich—Nɔ Kɔntinyu fɔ Stɔdi wit Pɔsin we Nɔ De Go Bifo

Lɛ Wi Tray fɔ Du Dis we Wi De Prich—Nɔ Kɔntinyu fɔ Stɔdi wit Pɔsin we Nɔ De Go Bifo

WETIN MEK I IMPƆTANT: Fɔ mek pipul dɛn go sev, dɛn nid fɔ sabi Jiova in nem. (Rom 10:​13, 14) Bɔt nɔto ɔlman we de gri fɔ stɔdi di Baybul kin want fɔ liv in layf di we aw Jiova want. Wi go yuz wi tɛm fayn we wi de prich, bay we wi ɛp di wan dɛn we rili want fɔ chenj di we aw dɛn de liv fɔ du wetin Jiova want. If yu dɔn de stɔdi wit pɔsin fɔ sɔm tɛm bɔt i nɔ de tray fɔ go bifo, i go mek sɛns fɔ mek yu stɔp di stɔdi ɛn yuz yu tɛm fɔ ɛp di wan dɛn we Jiova de briŋ kam na in ɔganayzeshɔn. (Jɔn 6:​44) If afta sɔm tɛm di pɔsin chenj di we aw i de du tin ɛn sho se “i rili want fɔ du wetin Gɔd want ɛn gɛt layf we go de sote go,” wi go gladi fɔ kɔntinyu fɔ stɔdi wit am.—Akt 13:​48, NW.

AW FƆ DU AM:

  • Tɛl di pɔsin tɛnki fɔ we i want fɔ lan di tru tin bɔt Gɔd.—1Ti 2:​4

  • Tɔk mɔ bɔt wetin mek i impɔtant fɔ du di tin dɛn we i dɔn lan.—Lyu 6:​46-49

  • Tek tɛm ɛksplen to am di parebul we Jizɔs bin pul bɔt di fama, ɛn aks am fɔ tink bɔt wetin mek i nɔ de go bifo.—Mat 13:​18-23

  • Tek tɛm ɛksplen to am wetin mek yu nɔ go kɔntinyu fɔ stɔdi wit am

  • Mek i no se wan wantɛm, yu go de kɔl ɔ kam fɛn am fɔ ɛnkɔrej am ɛn una go kɔntinyu fɔ stɔdi if i tray fɔ go bifo

WACH DI FIM, DƆN UNA ANSA DƐN KWƐSTYƆN DƐN YA:

  • Frɔm wetin dɛn tɔk, wetin sho se di Baybul studɛnt nɔ de tray fɔ go bifo?

  • Aw di pɔblisha ɛp di studɛnt fɔ no se i nid fɔ chenj di we aw i de liv?

  • Aw di pɔblisha ɛp di studɛnt fɔ no se i go gladi fɔ kɔntinyu di stɔdi bak we di studɛnt rɛdi??