Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Go De Bia as Yu De Wet

Go De Bia as Yu De Wet

Aw lɔng yu dɔn de wet fɔ mek Gɔd in Kiŋdɔm kam? Yu dɔn de bia wet pan ɔl we tin nɔ izi? (Rom 8:​25) Sɔm Kristian dɛn de sɔfa bikɔs pipul dɛn et dɛn, dɛn de trit dɛn bad, put dɛn na jel, ɔ ivin trɛtin fɔ kil dɛn. Ɔda Kristian dɛn de bia wit siriɔs wɛlbɔdi prɔblɛm ɔ ol ej.

Wetin go ɛp wi fɔ wet ilɛk uskayn prɔblɛm wi gɛt? Wi nid fɔ kɔntinyu fɔ gɛt fet pan Gɔd mɔ ɛn mɔ bay we wi de rid di Baybul ɛvride ɛn tink gud wan bɔt wetin wi rid. Wi fɔ pe atɛnshɔn pan di op we wi gɛt. (2Kɔ 4:​16-18; Ibr 12:​2) Wi fɔ pre to Jiova ɛn beg fɔ mek in oli spirit go ɛp wi. (Lyu 11:​10, 13; Ibr 5:​7) Wi Papa we lɛk wi go ɛp wi fɔ gladi ɛn peshɛnt as wi de “bia ɔltin.”—Kɔl 1:​11.

WACH DI FIM WE GƐT DI TAYTUL, WI FƆ “RƆN DI RES” ƐN NƆ TAYA NO SE NATIN NƆ GO MEK YU NƆ WIN DI PRAYZ, DƆN UNA ANSA DƐN KWƐSTYƆN DƐN YA:

  • Us “tin dɛn we wi nɔ no se go apin” kin apin to wi? (Ɛkl 9:​11, NW)

  • Aw prea kin ɛp wi we wi gɛt prɔblɛm?

  • If wi nɔ ebul du mɔ fɔ sav Jiova as wi bin dɔn de du, wetin mek wi fɔ pe atɛnshɔn pan wetin wi stil ebul fɔ du?

  • Pe atɛnshɔn pan di prayz

    Wetin de ɛp yu fɔ kɔntinyu fɔ gɛt kɔnfidɛns se yu go gɛt di prayz?