Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Gladi fɔ di Op we Yu Gɛt

Gladi fɔ di Op we Yu Gɛt

Wi op tan lɛk ankɔ. (Ibru 6:19) I de ɛp wi fɔ avɔyd di tin dɛn we go mek wi nɔ gɛt tayt padi biznɛs wit Gɔd, we wi gɛt siriɔs prɔblɛm dɛn. (1 Tim. 1:18, 19) Dɛn prɔblɛm dɛn de kin bi we wi at pwɛl, we wi nɔ gɛt bɛtɛ mɔni igen, we wi sik fɔ lɔng tɛm, we di pɔsin we wi lɛk day, ɔ ɛni tin we kin mek i nɔ izi fɔ lɛ wi du wetin rayt.

We wi gɛt fet ɛn wi gɛt op, dat go mek wi si klia wan di blɛsin dɛn we wi go gɛt. (2 Kɔr. 4:16-18; Ibru 11:13, 26, 27) So, ilɛksɛf wi op na fɔ go na ɛvin ɔ na fɔ de na dis wɔl, fɔ mek wi go gɛt mɔ fet ɛn op, wi fɔ de tink gud wan bɔt di prɔmis dɛn we Gɔd in Wɔd tɔk bɔt. Dɔn, we wi gɛt prɔblɛm we de mɔna wi, i go izi fɔ mek wi kɔntinyu fɔ gladi.—1 Pit. 1:6, 7.

WACH DI FIM WE GƐT DI TAYTUL WI FƆ GLADI ƆLTƐM BIKƆS WI ABOP PAN GƆD, DƆN ANSA DƐN KWƐSTYƆN DƐN YA:

  • Wetin mek Mozis na gud ɛgzampul we wi fɔ falamakata?

  • Us wok di wan dɛn we de oba di famili gɛt?

  • Us tɔpik dɛn yu go want fɔ tɔk bɔt fɔ Famili Wɔship?

  • We yu gɛt op aw dat go ɛp yu fɔ gɛt maynd fɔ bia di prɔblɛm dɛn we go mit yu?

  • Wetin yu go lɛk fɔ si ɔ du tumara bambay?