Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Wɛlkɔm Dɛn wit Ɔl Yu At

Wɛlkɔm Dɛn wit Ɔl Yu At

Udat wi fɔ wɛlkɔm wit ɔl wi at? Ɛnibɔdi we de atɛnd wi mitin dɛn, lɛk di wan dɛn we atɛnd wi mitin fɔ di fɔs tɛm ɛn di wan dɛn we i dɔn te we wi bi padi. * (Rom 15:7; Ibru 13:2) I go bi se na wi kɔmpin Kristian we kɔmɔt na ɔda kɔntri we kam fɛn wi. Ɔ i go bi bak se na pɔsin we bin dɔn lɛf fɔ sav Jiova fɔ lɔng tɛm. Imajin aw yu go fil if yu na da pɔsin de! Yu nɔ go gladi if dɛn grit yu fayn? (Mat. 7:12) So wetin mek yu nɔ go tray tranga wan fɔ go mit pipul dɛn ɛn grit dɛn bifo mitin bigin ɛn afta mitin? Dis de mek wanwɔd ɛn gladi at de na di kɔngrigeshɔn, ɛn dat go ɔnɔ Jiova. (Mat. 5:16) Fɔ tru, i nɔ go pɔsibul fɔ tɔk to ɔlman we de de. Bɔt ɔlman go fil fayn if wi du wetin wi ebul fɔ wɛlkɔm bɔku pipul dɛn.

Nɔto Mɛmorial tɛm nɔmɔ wi fɔ du gud, bɔt wi fɔ du gud ɔltɛm. We di wan dɛn we jɔs bigin kam wi mitin si aw wi rili lɛk wisɛf ɛn we wi sho dɛn da kayn lɔv de, dat kin mek dɛn prez Gɔd ɛn jɔyn wi fɔ wɔship am di rayt we.—Jɔn 13:35.

^ par. 3 Bikɔs wi de fala di advays dɛn we de na di Baybul, dat de mek wi nɔ de spɛn tɛm wit pipul dɛn we dɔn disfɛloship ɔ we dɔn disayd se dɛn nɔ want fɔ bi Jiova Witnɛs igen, bɔt we kin atɛnd mitin.—1 Kɔr. 5:11; 2 Jɔn 10.