Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Lɛ Wi Tray fɔ Du Dis We Wi De Prich—Ɛp ‘di Wan Dɛn we Rili Sho se Dɛn Want fɔ Gɛt Layf’ fɔ Bi Disaypul

Lɛ Wi Tray fɔ Du Dis We Wi De Prich—Ɛp ‘di Wan Dɛn we Rili Sho se Dɛn Want fɔ Gɛt Layf’ fɔ Bi Disaypul

WETIN MEK DIS IMPƆTANT? Jiova de mek di tru gro na “di wan dɛn we rili sho se dɛn want fɔ gɛt layf we go de sote go” dɛn at. (Akt 13:​48; 1Kɔ 3:​7) Wi de wok wit Jiova bay we wi de put wi atɛnshɔn fɔ prich ɛn tich di wan dɛn we de du wetin dɛn de lan. (1Kɔ 9:​26) Di wan dɛn we de stɔdi di Baybul nid fɔ ɔndastand se i impɔtant fɔ mek dɛn baptayz so dat dɛn go sev. (1Pi 3:​21) Wi kin ɛp dɛn fɔ bi disaypul bay we wi de tich dɛn fɔ chenj dɛn layf, prich ɛn tich, ɛn gi dɛn layf to Jiova.—Mat 28:​19, 20.

AW FƆ DU AM?

  • Mɛmba yu Baybul studɛnt dɛn se di rizin we mek una de stɔdi, na fɔ ɛp dɛn “fɔ no” Jiova ɛn du wetin i want.—Jɔn 17:​3

  • Ɛp dɛn fɔ go bifo pan Gɔd biznɛs bay we yu ɛp dɛn fɔ lɛf dɛn bad abit dɛn ɛn lɛf fɔ kip kɔmpin wit bad padi dɛn

  • Ɛnkɔrej dɛn ɛn ɛp dɛn fɔ tinap tranga wan bifo dɛn baptayz ɛn afta we dɛn dɔn baptayz.—Akt 14:​22

WACH DI FIM WE GƐT DI TAYTUL, JIOVA GO ƐP YU, DƆN UNA ANSA DƐN KWƐSTYƆN DƐN YA:

  • Wetin na sɔm tin dɛn we kin mek pɔsin fred fɔ gi in layf to Jiova ɛn baptayz?

  • Aw di ɛlda dɛn kin ɛp Baybul studɛnt dɛn fɔ go bifo pan Gɔd biznɛs?

  • Wetin Ayzaya 41:​10 tich wi bɔt Jiova?

  • Pan ɔl we wi nɔ pafɛkt, us kwaliti dɛn go ɛp wi fɔ sav Jiova di we aw i want?

Aw wi go wok wit Jiova fɔ mek disaypul dɛn?