Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

We Wɛf dɛn Biev Fayn ɛn Rɛspɛkt Dɛn Man dɛn, Dat Go Mek di Man Lɛk di Trut

We Wɛf dɛn Biev Fayn ɛn Rɛspɛkt Dɛn Man dɛn, Dat Go Mek di Man Lɛk di Trut

Bɔku tɛm Kristian uman dɛn kin ebul fɔ ɛp dɛn man dɛn fɔ lan di trut we dɛn falamakata Jizɔs in ɛgzampul. Bɔt fɔ du dis nɔ kin rili izi bikɔs di wɛf go gɛt fɔ sɔfa ɛn bia fɔ lɔŋ tɛm. (1Pi 2:​21-23; 3:​1, 2) If yu de sɔfa, kɔntinyu fɔ bia ɛn nɔ tɔn dɛt. (Rom 12:​21) Sɔntɛm yu man nɔ go lisin to yu bɔt i go notis di fayn we aw yu de biev ɛn disayd fɔ chenj di we aw i bin de fil bɔt di trut.

Tray fɔ ɔndastand aw yu man de fil ɛn tink. (Fil 2:​3, 4) Put yusɛf na in sus, sho sɔri at, ɛn du yu wok as wɛf na di os. Bi pɔsin we de tek tɛm lisin. (Jem 1:​19) Na fɔ peshɛnt ɛn mek lɛ yu man ɔ wɛf no se yu lɛk am. Ilɛk yu man nɔ trit yu fayn ɛn nɔ rɛspɛkt yu, na fɔ mɛmba se Jiova gladi fɔ yu bikɔs yu fetful.—1Pi 2:​19, 20.

WACH DI FIM WE GƐT DI TAYTUL, JIOVA DE GI WI TRƐNK FƆ BIA WIT WI PRƆBLƐM, DƆN UNA ANSA DI KWƐSTYƆN DƐN WE DE DƆŊ:

  • Aw Gres Li in layf bin tan lɛk we i jɔs mared?

  • Wetin mek i disayd fɔ stɔdi di Baybul?

  • Aw Sista Li bin ebul fɔ bia di prɔblɛm dɛn we bin mit am afta i baptayz?

  • Wetin Sista Li bin de pre bɔt fɔ in man?

  • Us blɛsin dɛn Sista Li dɔn gɛt we i bin kɔntinyu fɔ biev fayn ɛn rɛspɛkt in man?

I rili impɔtant fɔ biev fayn ɛn sho rɛspɛkt!