Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Yɔng Wan dɛn, Una Rɛdi fɔ “Du Wetin Gud wit Ɔl [Una] At”

Yɔng Wan dɛn, Una Rɛdi fɔ “Du Wetin Gud wit Ɔl [Una] At”

We Pɔl bin de rayt in lɛta to Taytɔs, i bin rayt se di yɔngman dɛn ɛn ivin Taytɔs insɛf fɔ sɛt fayn ɛgzampul “fɔ du gud” pan ɔl wetin dɛn de du. (Tay 2:​6, 7) Leta insay di sem chapta, Pɔl bin tɔk bɔt aw Jizɔs bin klin Jiova in pipul dɛn fɔ mek dɛn go “want du wetin gud wit ɔl [dɛn] at.” (Tay 2:​14) Wan pan dɛn gud wok dɛn de, na fɔ prich ɛn tich bɔt Gɔd in Kiŋdɔm. If yu na yɔng pɔsin, yu go ebul yuz di trɛnk we yu gɛt fɔ bi ɔgzilari ɔ rɛgyula payɔnia?—Prɔ 20:​29.

If yu go want fɔ bi payɔnia, i go fayn fɔ mek yu arenj di tin dɛn we yu de du fɔ mek yu go ebul fɔ du dat. (Lyu 14:​28-30) Fɔ ɛgzampul, aw yu go gɛt mɔni fɔ sɔpɔt yusɛf we yu de prich? Aw yu go ebul fɔ gɛt di awa we yu fɔ gɛt fɔ di mɔnt? Pre to Jiova fɔ mek i ɛp yu. (Sam 37:​5) Tɔk to yu mama ɛn papa ɛn ɔda payɔnia dɛn we dɔn de du wɛl bɔt wetin yu plan fɔ du. Dɔn du tin dɛn we go ɛp yu fɔ rich yu gol. Jiova go mɔs blɛs di tray we yu de tray tranga wan fɔ du in wok!

WACH DI FIM WE GƐT DI TAYTUL, YƆNG WAN DƐN WE DE ƆNƆ JIOVA, DƆN UNA ANSA DI KWƐSTYƆN DƐN WE DE DƆŊ:

  • Wetin ɛn wetin nɔ bin izi fɔ sɔm brɔda ɛn sista dɛn we bin want fɔ payɔnia? Wetin dɛn bin du?

  • Aw mama ɛn papa dɛn go ɛp dɛn pikin dɛn fɔ bi rɛgyula payɔnia?

  • Wetin mek i impɔtant fɔ gɛt shɛdul fɔ prich?

  • Aw brɔda ɛn sista dɛn na di kɔngrigeshɔn go ɛnkɔrej ɛn ɛp pɔsin we de payɔnia?

  • Us blɛsin dɛn payɔnia dɛn kin gɛt?

Wetin a go du fɔ mek a bi payɔnia?