Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LIV YU LAYF LƐK KRISTIAN

Jizɔs Day fɔ Yu Brɔda Bak

Jizɔs Day fɔ Yu Brɔda Bak

Jizɔs bin gi in layf fɔ pipul dɛn we nɔ pafɛkt. (Rom 5:​8) Wan dawt nɔ de se wi gladi fɔ no se Jizɔs lɛk wi na dat mek i gi in layf fɔ wi. Bɔt sɔntɛnde, wi nid fɔ mɛmba se Krays bin day fɔ wi brɔda bak. Aw wi go sho Krays in kayn lɔv to wi brɔda ɛn sista dɛn we nɔ pafɛkt lɛk wi? Lɛ wi tɔk bɔt tri we dɛn. Fɔs, wi fɔ mek padi wit pipul dɛn we wi nɔ kɔmɔt na di sem ples. (Rom 15:​7; 2Kɔ 6:​12, 13) Sɛkɔn, wi fɔ tek tɛm mek wi nɔ se ɔ du sɔntin we go ambɔg ɔda pipul dɛn. (Rom 14:​13-15) Tɔd, if wi brɔda dɛn du wi bad, wi nɔ fɔ westɛm fɔ fɔgiv dɛn. (Lyu 17:​3, 4; 23:​34) If wi wok tranga wan fɔ falamakata Jizɔs dɛn kayn we ya, Jiova go kɔntinyu fɔ blɛs wi kɔngrigeshɔn wit pis ɛn wanwɔd.

WACH DI FIM WE GƐT DI TAYTUL, TRAY FƆ BI NAYS PƆSIN! DƆN UNA ANSA DƐN KWƐSTYƆN DƐN YA:

  • Aw Miki bin de fil bɔt in kɔngrigeshɔn fɔs?

  • Wetin bin mek i chenj di we aw i bin de fil?

  • Aw Jizɔs in ɛgzampul ɛp Miki fɔ chenj di we aw i bin de tink? (Mak 14:​38)

  • Aw Prɔvabs 19:​11 go ɛp wi fɔ tink di rayt we bɔt wi kɔmpin Kristian dɛn?