Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LƐSIN 20

Us Wok di Gɔvnin Bɔdi De Du Tide?

Us Wok di Gɔvnin Bɔdi De Du Tide?

Di gɔvnin bɔdi we bin de trade

Dɛn de rid di lɛta we di gɔvnin bɔdi sɛn

Trade trade, na “di apɔsul dɛn ɛn dɛn bigman” na Jerusɛlɛm na bin di gɔvnin bɔdi. Na dɛn bin de sho di difrɛn difrɛn kɔngrigeshɔn dɛn wetin fɔ du. (Di Apɔsul Dɛn Wok [Akt] 15:2) Bifo dɛn gri pan sɔntin, dɛn kin rid di Baybul fɔ no wetin i se ɛn dɛn kin fala wetin Gɔd in spirit de tɛl dɛn fɔ du. (Di Apɔsul Dɛn Wok [Akt] 15:25) Na di sem tin de apin tide.

Na dɛn Gɔd de yuz fɔ du wetin i want. Ɔl di brɔda dɛn we de na di Gɔvnin Bɔdi sabi di Baybul gud gud wan ɛn na dɛn de sho wetin-ɛn-wetin di ɔganayzeshɔn fɔ du ɛn dɛn de ansa ɛni kwɛstyɔn we wi gɛt bɔt Gɔd biznɛs. Dɛn kin gɛt mitin ɛvri wik fɔ tɔk bɔt aw dɛn go kia fɔ ɔl di brɔda dɛn we de na di wɔl. Di gɔvnin bɔdi we bin de trade, bin de yuz lɛta ɔ travlin ovasia dɛn ɔ ɔda pɔsin fɔ sho di brɔda dɛn wetin fɔ du. Na di sem tin di Gɔvnin Bɔdi de du tide. Dis de ɛp wi fɔ de tink ɛn du tin dɛn di sem we. (Di Apɔsul Dɛn Wok [Akt] 16:4, 5) Na di Gɔvnin Bɔdi de gi wi buk ɛn ɔda tin dɛn we de ɛp wi fɔ lan bɔt Jiova. Na dɛn de ɛp fɔ mek di prichin wok go bifo, ɛn na dɛn bak de dayrɛkt di brɔda dɛn we de pik di wan dɛn we fɔ bi ɛlda, ministerial savant, ɛn ɔda wan dɛn.

Dɛn de du wetin Gɔd in spirit de tɛl dɛn. Di Gɔvnin Bɔdi de du wetin Jiova Gɔd ɛn Jizɔs de tɛl dɛn. Dɛn no se na Jiova gɛt di rayt fɔ rul di wan ol wɔl ɛn na Jizɔs de bifo ɔlman na di kɔngrigeshɔn. (Fɔs Lɛta Fɔ Kɔrint 11:3; Lɛta Fɔ Ɛfisɔs 5:23) Di brɔda dɛn nɔ de mek lɛk se na dɛn de bifo Gɔd in pipul dɛn. Dɛn ɛn dɛn kɔmpin Kristian dɛn we Gɔd put in spirit pan, “de fala di Ship [Jizɔs] ɛnisay i go.” (Rɛvɛleshɔn 14:4) Di Gɔvnin Bɔdi kin gladi we wi de pre fɔ dɛn.

  • Udat dɛn na bin di gɔvnin bɔdi trade?

  • Aw di Gɔvnin Bɔdi we de tide de sho se dɛn want mek Gɔd sho dɛn wetin fɔ du?