Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LƐSIN 22

Us Wok Dɛn De Du na di Branch Ɔfis?

Us Wok Dɛn De Du na di Branch Ɔfis?

Sɔlɔmɔn Ayland

Kanada

Sawt Afrika

Di wan dɛn we de na Bɛtɛl de wok na difrɛn difrɛn dipatmɛnt dɛn fɔ kia fɔ di prichin wok na dɛn kɔntri ɛn ɔda kɔntri dɛn we de ɔnda dɛn. Sɔm dɛn de translet, ɔda wan dɛn de print magazin ɛn jɔyn pej dɛn togɛda fɔ mek buk. Sɔm de pak di buk dɛn ɛn ɔda wan dɛn de mek odio ɔ vidio CD dɛn ɔ du ɔda tin dɛn.

Na di Branch Kɔmiti de kia fɔ di branch ɔfis. Na di Branch Kɔmiti di Gɔvnin Bɔdi dɔn pik fɔ kia fɔ di branch ɔfis na ɛni kɔntri. Na sɔm kɔntri dɛn, na lɛk tri ɛlda dɛn kin de na dis kɔmiti, bɔt na ɔda kɔntri dɛn, dɛn kin pas tri. Dis kɔmiti kin tɛl di Gɔvnin Bɔdi bɔt aw di wok de go bifo ɛn di prɔblɛm dɛn we dɛn de gɛt. Dis de mek di Gɔvnin Bɔdi no us tɔpik fɔ tɔk bɔt na di magazin dɛn ɛn ɔda buk dɛn, na di mitin ɛn dɛn big program dɛn we wi kin gɛt. Di Gɔvnin Bɔdi kin sɛn sɔm brɔda dɛn fɔ go na difrɛn difrɛn branch dɛn. Dɛn brɔda ya kin sho di Branch Kɔmiti dɛn aw dɛn go du dɛn wok fayn. (Prɔvabs 11:14) We di brɔda we di ɛdkwata sɛn, kin kam, wi kin gɛt wan spɛshal program usay i kin ɛnkɔrej ɔlman.

Di branch ɔfis de ɛp di kɔngrigeshɔn dɛn. Na sɔm brɔda dɛn we de na di branch ɔfis kin gri mek nyu kɔngrigeshɔn dɛn bigin. Na dɛn bak kin sho di payɔnia dɛn, di mishɔnari dɛn, ɛn di sakit ovasia dɛn wetin-ɛn-wetin fɔ du. Na dɛn kin arenj fɔ dɛn big program dɛn we wi kin gɛt. Na dɛn bak kin arenj fɔ mek dɛn bil nyu Kiŋdɔm Ɔl, ɛn na dɛn de mek shɔ se ɔl di kɔngrigeshɔn dɛn gɛt di magazin ɛn ɔda tin dɛn we dɛn nid. Ɔl di wok we dɛn de du na di branch ɔfis dɛn, de ɛp fɔ mek wi du di prichin wok di rayt we.—Fɔs Lɛta Fɔ Kɔrint 14:40.

  • Aw di Branch Kɔmiti de ɛp di Gɔvnin Bɔdi?

  • Us wok dɛn de du na di branch ɔfis?