Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LƐSIN 1

Wi Gladi fɔ No Wan Sikrit

Wi Gladi fɔ No Wan Sikrit

Ɛnibɔdi dɔn ɛva tɛl yu sikrit?— * Di Baybul tɔk bɔt wan spɛshal “sikrit.” Di sikrit spɛshal bikɔs i kɔmɔt frɔm Gɔd. Ɛn na sikrit bikɔs pipul dɛn nɔ bin no bɔt am. Ivin di enjɛl dɛnsɛf bin want fɔ no mɔ bɔt dis sikrit. Yu go want fɔ no wetin na dis sikrit?—

Wetin yu tink se di enjɛl dɛn bin de tray fɔ no?

Trade trade, Gɔd bin mek di fɔs man ɛn uman. Dɛn nem dɛn na Adam ɛn Iv. Gɔd bin put dɛn na wan fayn fayn ples we dɛn kɔl di gadin na Idɛn. If Adam ɛn Iv bin obe Gɔd, dɛn ɛn dɛn pikin dɛn bin fɔ dɔn mek ɔlsay na di wɔl bi Paradays jɔs lɛk da gadin we bin de na Idɛn. Ɛn dɛn bin fɔ dɔn de na Paradays sote go. Bɔt yu mɛmba wetin Adam ɛn Iv bin du?—

Adam ɛn Iv nɔ bin lisin to Gɔd, so na dat mek wi nɔ de na Paradays naw. Bɔt Gɔd bin dɔn tɔk se i go mek ɔlsay na di wɔl bi fayn fayn ples, ɛn ɔlman go de de sote go ɛn gɛt gladi at. Aw i go du dis? Fɔ lɔng tɛm, pipul dɛn nɔ bin no bɔt dis. Na bin sikrit.

We Jizɔs bin kam na di wɔl, i bin tich pipul dɛn mɔ bɔt dis sikrit. I bin tɔk se di sikrit na bɔt Gɔd in Kiŋdɔm. Jizɔs bin tɛl pipul dɛn fɔ pre fɔ mek dis Kiŋdɔm kam. Dis Kiŋdɔm go mek di wɔl bi Paradays.

Yu gladi fɔ no dis sikrit?— Mɛmba se na di wan dɛn nɔmɔ we de obe Jiova go de na Paradays. Di Baybul tɛl wi bɔku stori dɛn bɔt man ɛn uman dɛn we bin obe Jiova. Yu go want fɔ no bɔt dɛn pipul ya?— Lɛ wi tɔk smɔl bɔt sɔm pan dɛn, ɛn si aw wi go falamakata dɛn.

^ par. 3 Insay dis buk, yu go si dis mak (—) afta sɔm kwɛstyɔn dɛn. We yu si am, i go fayn fɔ mek yu wet ɛn si aw di pikin go ansa di kwɛstyɔn.