Go dayrɛkt to di men tin

Wi Go Ɛva Lɛf fɔ Sɔfa?

Wi Go Ɛva Lɛf fɔ Sɔfa?

Yu go se . . .

  • yɛs?

  • nɔ?

  • sɔntɛm?

 DI BAYBUL SE:

“Gɔd . . . go mek dɛn nɔ kray igen; dɛn nɔ go day igen, ebi at ɛn waala nɔ go de igen.”—Rɛvɛleshɔn 21:3, 4, Gud Nyus Fɔ Ɔlman.

AW DIS GO BƐNIFIT YU?

I go mek yu no se nɔto Gɔd de mek wi sɔfa.—Jems 1:13.

I go gi yu kɔrej fɔ no se Gɔd bisin bɔt wi, ɛn i nɔ lɛk we wi de sɔfa.—Zakaraya 2:8.

I go gi yu op fɔ no se ɔl di sɔfa we wi de sɔfa go dɔn.—Sam 37:9-11.

 WETIN MEK WI FƆ BILIV WETIN DI BAYBUL SE?

Tu rizin dɛn de we mek wi fɔ biliv am:

  • Gɔd nɔ lɛk we pipul dɛn de sɔfa ɛn we dɛn de du tin we nɔ rayt. Tink bɔt aw Jiova bin fil we pipul dɛn bin de trit di Izrɛlayt dɛn bad. Di Baybul se Jiova nɔ bin gladi we “dɛn ɛnimi dɛn kin de trit dɛn bad.”—Jɔjis 2:18, Krio Fɔs Oli Baybul.

    Gɔd nɔ rili lɛk we pipul dɛn de trit dɛn kɔmpin dɛn bad. Fɔ ɛgzampul, di Baybul se Gɔd nɔ lɛk “pɔsin we de kil fɔ natin.”—Prɔvabs 6:16, 17, Di Sam Dɛn ɛn Prɔvabs.

  • Gɔd bisin bɔt wi, wan bay wan. Nɔto di pɔsin in wangren “no wetin de mɔna am,” bɔt Jiova insɛf no!2 Krɔnikuls 6:29, 30, New World Translation.

    I nɔ go te igen, Jiova go yuz in Kiŋdɔm fɔ mek ɔlman lɛf fɔ sɔfa. (Matyu 6:9, 10) Bifo da tɛm de kam, i de kɔrej di wan dɛn we de tray tranga wan fɔ lan bɔt am.—Di Apɔsul Dɛn Wok [Akt] 17:27; Sɛkɛn Lɛta Fɔ Kɔrint 1:3, 4.

 TIN FƆ TINK BƆT

Wetin mek Gɔd de alaw wi fɔ sɔfa?

Di Baybul ansa dis kwɛstyɔn na LƐTA FƆ ROM 5:12 ɛn PITA IN SƐKƐN LƐTA 3:9.

Yu kin aks mek pɔsin kam to yu, ɔ dawnlod, ɔ rid dis buk na wi wɛbsayt we na www.jw.org.