Go dayrɛkt to di men tin

Udat Rili De Rul di Wɔl?

Udat Rili De Rul di Wɔl?

Yu tink se na . . .

  • Gɔd?

  • mɔtalman?

  • ɔda pɔsin?

 DI BAYBUL SE:

“Setan de rul di ol wɔl.”—Jɔn In Fɔs Lɛta 5:19.

“Gɔd in Pikin kam fɔ pwɛl Setan in wok.”—Jɔn In Fɔs Lɛta 3:8, Gud Nyus Fɔ Ɔlman.

AW DIS GO BƐNIFIT YU?

I go ɛp yu fɔ ɔndastand wetin mek prɔblɛm dɛn de na di wɔl.—Rɛvɛleshɔn 12:12.

I go mek yu biliv se tɛm go kam we Gɔd go mek di wɔl fayn fɔ wi.—Jɔn In Fɔs Lɛta 2:17.

 WETIN MEK WI FƆ BILIV WETIN DI BAYBUL SE?

Tri rizin dɛn de we mek wi fɔ biliv am:

  • Di rul we Setan de rul di wɔl gɛt fɔ dɔn. Jiova bin dɔn mek ɔp in maynd fɔ stɔp di rul we Setan de rul mɔtalman. I prɔmis fɔ “pwɛl Setan . . . ɔltogɛda.” Dat min se i go pul ɔl di bad bad tin dɛn we Setan dɔn du.—Di Ibru Pipul Dɛn 2:14.

  • Gɔd dɔn pik Jizɔs Krays fɔ rul di wɔl. Di pɔsin we de rul di wɔl tide wikɛd, ɛn na insɛf nɔmɔ i bisin bɔt. Bɔt nɔto so Jizɔs tan. Gɔd prɔmis se we Jizɔs bi Kiŋ, “i go gɛt sɔri-at fɔ poman . . . I go mek dɛn nɔ de tek advantej pan dɛn ɔ buli dɛn.”—Sam 72:13, 14, Di Sam Dɛn ɛn Prɔvabs.

  • Gɔd nɔ de lay. Di Baybul tɛl wi klia wan se: “Gɔd nɔ de lay.” (Di Ibru Pipul Dɛn 6:18, Gud Nyus Fɔ Ɔlman) We Jiova prɔmis fɔ du sɔntin, i tan lɛk se di tin dɔn apin. (Ayzaya 55:10, 11) “Gɔd . . . go pul di wan we de rul dis wɔl kɔmɔt na in chia.”—Jɔn 12:31.

 TIN FƆ TINK BƆT

Aw di wɔl go tan lɛk we di wan we de rul am nɔ go de igen?

Di Baybul ansa dis kwɛstyɔn na SAM 37:10, 11 ɛn RƐVƐLESHƆN 21:3, 4.