Go dayrɛkt to di men tin

Go dayrɛkt to di say we di difrɛn difrɛn atikul dɛn de

 PAT 9

Ustɛm Paradays Go Kam?

Ustɛm Paradays Go Kam?

Di bad tin dɛn we de apin naw, de sho se Gɔd in Kiŋdɔm de nia. Lyuk 21:10, 11; Sɛkɛn Lɛta To Timoti 3:1-5

Di Baybul bin dɔn tɔk bɔt di tin dɛn we de apin naw. I bin se pipul dɛn go lɛk mɔni, dɛn nɔ go yɛri dɛn mami ɛn dadi wɔd, dɛn go wayl, ɛn dɛn go lɛk fɔ ɛnjɔy dɛnsɛf.

Di grɔn go trimbul plɛnti say, wa ɛn bad bad angri go de, ɛn dɛn sik we de prɛd go de ɔlsay. Ɔl dɛn tin ya de apin naw.

Jizɔs bin se pipul dɛn go prich bɔt di gud nyus bɔt Gɔd in Kiŋdɔm na di wan ol wɔl.—Matyu 24:14.

Gɔd in Kiŋdɔm go pul ɔltin we bad. Pita In Sɛkɛn Lɛta 3:13

 I nɔ go te igen, Jiova go pul ɔl di wikɛd pipul dɛn na di wɔl.

Gɔd go pɔnish Setan ɛn in dɛbul dɛn.

Di wan dɛn we de lisin to Gɔd go de na di nyu wɔl usay ɔlman go de du wetin rayt. Insay da wɔl de, natin nɔ go mek pipul dɛn fred igen, ɛn dɛn go biliv ɛn lɛk dɛn kɔmpin dɛn.