Go dayrɛkt to di men tin

Go dayrɛkt to di say we di difrɛn difrɛn atikul dɛn de

Lɛta we di Gɔvnin Bɔdi fɔ Jiova Witnɛs dɛn Rayt

Lɛta we di Gɔvnin Bɔdi fɔ Jiova Witnɛs dɛn Rayt

To Yu We Lɛk Jiova:

Jizɔs bin se: “Una go no wetin tru bɔt Gɔd, ɛn dat go mek una fri.” (Jɔn 8:32) Dɛn wɔd ya de rili mek wi gladi! Di wɔl we wi de tide tranga bad ɛn lay lay bɔku, bɔt stil yu go ebul fɔ no di tru bɔt Gɔd. (Sɛkɛn Lɛta To Timoti 3:1) Yu mɛmba we yu bin fɔs lan di tru tin dɛn we de na di Baybul? Yu bin rili gladi, nɔto so?

Wi no se i impɔtant fɔ no di tru bɔt Gɔd ɛn fɔ de prich di gud nyus ɔltɛm. Bɔt wi fɔ tray tranga wan fɔ liv wi layf di we aw Gɔd want. Wi go du dis we wi kɔntinyu fɔ du di tin dɛn we go mek Gɔd lɛk wi. Wetin dis min? Jizɔs bin sho wi di ansa. Di nɛt bifo i day, i bin tɛl in apɔsul dɛn se: “If una du wetin a tɛl una fɔ du, una go stil de ɛnjɔy di gud tin dɛn we a de du fɔ una bikɔs a lɛk una, jɛs lɛkɛ aw misɛf du wetin mi Papa tɛl mi fɔ du so a stil de ɛnjɔy di gud we i de du fɔ mi bikɔs i lɛk mi.”​—Jɔn 15:10.

So yu si, Jizɔs bin du wetin go mek Gɔd kɔntinyu fɔ lɛk am. Aw i du dat? Na we i bin de du wetin in Papa tɛl am fɔ du. Na di sem tin wisɛf fɔ du tide. Fɔ lɛ Gɔd kɔntinyu fɔ lɛk wi, wi fɔ du wetin wi dɔn lan ɛvride na wi layf. Da sem nɛt de Jizɔs bin se: “We una dɔn no dat, una go gɛt big blɛsin if una du wetin a tɛl una fɔ du.”​—Jɔn 13:17.

Wi op se dis buk go ɛp yu fɔ de du wetin yu de lan we go mek Gɔd kɔntinyu fɔ lɛk yu ɛn gi yu “layf we go de sote go.”​—Jud In Lɛta 21.

Gɔvnin Bɔdi fɔ Jiova Witnɛs Dɛn