Go dayrɛkt to di men tin

Go dayrɛkt to di say we di difrɛn difrɛn atikul dɛn de

 LƐSIN 9

Udat Na Gɔd In Padi Dɛn?

Udat Na Gɔd In Padi Dɛn?

Jizɔs Krays na Jiova in Pikin ɛn in tayt tayt padi. Bifo i kam na di wɔl as mɔtalman,  Jizɔs bin de na ɛvin as pawaful spirit pɔsin. (Jɔn 17:5) I kam na di wɔl fɔ tich pipul dɛn di tru bɔt Gɔd. (Jɔn 18:37) I day fɔ pipul dɛn we de yɛri wɔd, fɔ sev dɛn frɔm sin ɛn day. (Lɛta Fɔ Rom 6:23) Jizɔs naw na Kiŋ na Gɔd in Kiŋdɔm, di gɔvmɛnt we de na ɛvin, we go briŋ Paradays na dis wɔl.—Rɛvɛleshɔn 19:16.

Di enjɛl dɛnsɛf na Gɔd in padi dɛn. Di enjɛl dɛn nɔ bigin dɛn layf lɛk mɔtalman na di wɔl. Gɔd mek dɛn na ɛvin bifo i mek di wɔl. (Di Ibru Pipul Dɛn 1:7) Bɔku bɔku enjɛl de na ɛvin. (Rɛvɛleshɔn 5:11) Dɛn enjɛl ya we na Gɔd in padi dɛn, want mek pipul dɛn lan di tru bɔt Jiova.—Rɛvɛleshɔn 14:6, 7.

Gɔd gɛt padi dɛn bak na di wɔl; i kɔl dɛn in witnɛs dɛn. Witnɛs na kot kin tɔk wetin i no bɔt sɔmbɔdi ɔ sɔmtin. Jiova Witnɛs dɛn de tɛl ɔda pipul dɛn wetin dɛn no bɔt Jiova ɛn wetin i want fɔ wi. (Ayzaya 43:10, NW) Lɛk di enjɛl dɛn, Jiova Witnɛs dɛn want ɛp yu lan di tru bɔt Jiova. Dɛn want mek yusɛf bi Gɔd in padi.