Go dayrɛkt to di men tin

Wetin na Gɔd in Kiŋdɔm?

Wetin na Gɔd in Kiŋdɔm?

Yu go se Gɔd in Kiŋdɔm na . . .

  • sɔntin we de na pɔsin in at?

  • tin we at fɔ ɔndastand?

  • gɔvmɛnt we de na ɛvin?

 DI BAYBUL SE

“PAPA GƆD na ɛvin go briŋ in yon Kindɔm we nɔ go ɛva fɔdɔm.”—Daniɛl 2:44, Krio Fɔs Oli Baybul.

“Dɛn dɔn gi wi bɔypikin ɛn nain ed di gɔvmɛnt go de.”—Ayzaya 9:6.

AW DIS GO BƐNIFIT YU?

 WETIN MEK WI FƆ BILIV WETIN DI BAYBUL SE?

Tu rizin dɛn de we mek wi fɔ biliv am:

  • Jizɔs bin sho sɔm tin dɛn we Gɔd in Kiŋdɔm go du fɔ wi. I bin tich di wan dɛn we bin de fala am fɔ pre mek Gɔd in Kiŋdɔm kam ɛn mek wetin i want, bi na di wɔl. (Matyu 6:9, 10) Jizɔs bin sho bak aw Gɔd go ansa da prea de.

    We Jizɔs bin de na di wɔl, i bin gi tin fɔ it to di wan dɛn we angri, mɛn di wan dɛn we sik, ɛn ivin gi layf bak to di wan dɛn we dɔn day! (Matyu 15:29-38; Jɔn 11:38-44) Jizɔs bin sho wi di fayn tin dɛn we wi go ɛnjɔy ɔnda Gɔd in Kiŋdɔm, di tɛm we i go bi Kiŋ.—Rɛvɛleshɔn 11:15.

  • Di tin dɛn we de bi na di wɔl naw, de sho se Gɔd in Kiŋdɔm go bigin rul jisnɔ. Jizɔs bin tɔk se bifo di tɛm we Gɔd in Kiŋdɔm go mek pis de na di wɔl, wɔ, angri, ɛn atkwek go de apin na di wɔl.—Matyu 24:3, 7.

    Wi de si ɔl dɛn tin ya de apin tide. Dat fɔ mek wi biliv se i nɔ go te igen Gɔd in Kiŋdɔm go mek ɔl dɛn prɔblɛm ya dɔn.

 TIN FƆ TINK BƆT

Uskayn tin dɛn wi go ɛnjɔy ɔnda Gɔd in Kiŋdɔm?

Di Baybul ansa dis kwɛstyɔn na SAM 37:29 ɛn AYZAYA 65:21-23.

Yu kin aks mek pɔsin kam to yu, ɔ dawnlod, ɔ rid dis buk na wi wɛbsayt we na www.jw.org.