Go dayrɛkt to di men tin

Wetin Na di Men Tin we Go Mek Famili Gɛt Gladi At?

Wetin Na di Men Tin we Go Mek Famili Gɛt Gladi At?

Yu tink se na . . .

  • lɔv?

  • mɔni?

  • ɔda tin?

 DI BAYBUL SE:

“Mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”—Lyuk 11:28, Gud Nyus Fɔ Ɔlman.

AW DIS GO BƐNIFIT YU?

Yu go gɛt tru lɔv.—Lɛta Fɔ Ɛfisɔs 5:28, 29.

Yu go gɛt dip rɛspɛkt.—Lɛta Fɔ Ɛfisɔs 5:33.

Yu go gɛt tru tru kol at.—Mak 10:6-9.

 WETIN MEK WI FƆ BILIV WETIN DI BAYBUL SE?

Tu rizin dɛn de we mek wi fɔ biliv am:

  • Na Gɔd mek famili. Di Baybul sho se na Gɔd mek di fɔs mared. (Jɛnɛsis 2:18-24) Dat min se famili dɛn de tide bikɔs na Jiova mek dɛn. Wetin mek dis impɔtant?

    Fɔ no di ansa, lɛ wi se yu jɔs dɔn ɛnjɔy wan swit it, ɛn yu want fɔ no wetin dɛn tek kuk am. Na udat yu go aks? Nɔto di pɔsin we kuk am?

    Semweso, fɔ no wetin go ɛp famili fɔ gɛt gladi at, i go fayn fɔ mek wi lisin to Jiova in advays bikɔs na in mek di famili.

  • Gɔd bisin bɔt yu. I fayn fɔ mek famili dɛn fala di advays we Jiova gi insay di Baybul. Wetin mek? Bikɔs “Gɔd bisin bɔt wi.” (Pita In Fɔs Lɛta 5:6, 7, New World Translation) Di advays we Jiova de gi, gud fɔ wi ɛn ɛnitɛm we wi fala am, i go bɛnifit wi!—Prɔvabs 3:5, 6; Ayzaya 48:17, 18.

 TIN FƆ TINK BƆT

Aw yu go bi gud man, gud wɛf, gud mama ɔ papa?

Di Baybul ansa dis kwɛstyɔn na LƐTA FƆ ƐFISƆS 5:1, 2 ɛn LƐTA FƆ KƆLƆSE 3:18-21.

Yu kin aks mek pɔsin kam to yu, ɔ dawnlod, ɔ rid dis buk na wi wɛbsayt we na www.jw.org.