Go dayrɛkt to di men tin

Yu Tink Se di Wan dɛn We Dɔn Day Go Gɛt Layf Bak?

Yu Tink Se di Wan dɛn We Dɔn Day Go Gɛt Layf Bak?

Wetin yu go se?

  • yɛs?

  • nɔ?

  • sɔntɛm?

 DI BAYBUL SE:

“Di wan dɛn we dɔn day go rayz frɔm dɛn grev.”—Di Apɔsul Dɛn Wok [Akt] 24:15, Gud Nyus Fɔ Ɔlman.

AW DIS GO BƐNIFIT YU?

I go gi yu kɔrej we yu fambul ɔ padi day.—Sɛkɛn Lɛta Fɔ Kɔrint 1:3, 4.

I go mek yu nɔ fred fɔ day.—Di Ibru Pipul Dɛn 2:15.

I go gi yu op se tɛm go kam we yu go de bak wit yu fambul ɛn padi dɛn we dɔn day.—Jɔn 5:28, 29.

 WETIN MEK WI FƆ BILIV WETIN DI BAYBUL SE?

Tri rizin dɛn de we mek wi fɔ biliv am:

  • Na Gɔd gi wi ɔl layf. Di Baybul se na Jiova Gɔd “de gi layf.” (Sam 36:9; Di Apɔsul Dɛn Wok [Akt] 17:24, 25) So di Wan we gi ɔlman layf go ebul fɔ gi layf bak to pɔsin we bin dɔn day.

  • Gɔd bin gi layf bak to sɔm pipul dɛn we bin dɔn day. Di Baybul tɔk bɔt et pipul dɛn we bin dɔn day, we Gɔd gi layf bak as mɔtalman. Sɔm pan dɛn na bin man, uman, yɔŋ pɔsin, ɛn ol pɔsin. Sɔm bin day fɔ shɔt tɛm nɔmɔ, bɔt wan bin de we bin dɔn day fɔ 4 dez!—Jɔn 11:39-44.

  • Gɔd rili want fɔ du di sem tin bak. Di Baybul se Jiova et day; i de si am lɛk in ɛnimi. (Fɔs Lɛta Fɔ Kɔrint 15:26, New World Translation) I “rili want” fɔ pul dis ɛnimi we na day. I go mek di wan dɛn we dɔn day gɛt layf bak. I de wet fɔ di tɛm we i go gi layf bak to di wan dɛn we dɔn day, we de na in maynd.—Job 14:14, 15.

 TIN FƆ TINK BƆT

Wetin mek wi de ol ɛn day?

Di Baybul ansa dis kwɛstyɔn na JƐNƐSIS 3:17-19 ɛn LƐTA FƆ ROM 5:12.

Yu kin aks mek pɔsin kam to yu, ɔ dawnlod, ɔ rid dis buk na wi wɛbsayt we na www.jw.org.