Di men we aw Jiova Witnɛs dɛn de gɛt mɔni fɔ du dɛn wok ɔlsay na di wɔl, na we dɛn de gi kɔntribyushɔn dɛn. a Kɔntribyushɔn bɔks dɛn de na di say dɛn we wi kin gɛt wi mitin dɛn, ɛn ɔda we dɛn fɔ kɔntribyut de na wi Doneshɔn pej. Difrɛn bɔks dɛn de fɔ put mɔni. So pɔsin kin disayd if i go put mɔni na di bɔks we de fɔ wi wok we de apin ɔlsay na di wɔl, ɔ di bɔks we de fɔ di mɔni we di kɔngrigeshɔn nid, ɔ fɔ put mɔni na di tu bɔks dɛn.

 Jiova Witnɛs dɛn nɔ de gi tayt ɔ kɔntribyut patikyula amawnt akɔdin to di mɔni we dɛn de gɛt. (2 Kɔrintians 9:​7) Wi nɔ de ɛva tek kɔlɛkshɔn ɔ mek pipul dɛn pe fɔ atɛnd wi mitin dɛn, ɛn wi ɛlda dɛn nɔ de mek pipul dɛn pe fɔ baptizim, bɛrin, mared, ɔ ɛni ɔda tin. Wi nɔ de mek mɔni bay we wi de bek tin dɛn fɔ sɛl, mek baza dɛn, krused dɛn, kanival dɛn, dina dɛn, raful drɔ dɛn, ɔ ɔda program dɛn lɛk dɛn wan ya, ɛn wi nɔ de aks pipul dɛn fɔ gi kɔntribyushɔn dɛn. Wi nɔ de ɛva mek ɔda pipul dɛn no ɛnitin bɔt di pɔsin we gi kɔntribyushɔn. (Matyu 6:​2-4) Wi wɛbsayt dɛn ɛn wi pɔblikeshɔn dɛn nɔ gɛt advat dɛn fɔ mek mɔni.

 Jiova Witnɛs dɛn kɔngrigeshɔn dɛn ɔlsay na di wɔl usay ɛnibɔdi kin atɛnd, kin gi ripɔt ɛni mɔnt bɔt aw dɛn de yuz di kɔngrigeshɔn mɔni. Dɛn kin chɛk di dɔkyumɛnt dɛn fɔ di kɔngrigeshɔn mɔni ɔltɛm fɔ mek shɔ se dɛn de yuz di mɔni di rayt we.—2 Kɔrintians 8:​20, 21.

Difrɛn we dɛn fɔ gi Kɔntribyushɔn

•   Kɔntribyushɔn bɔks dɛn: Yu kin put di mɔni ɔ chɛk we yu want fɔ gi na di kɔntribyushɔn bɔks dɛn we de na Kiŋdɔm Ɔl, Asɛmbli Ɔl, ɔ na ɔdasay dɛn we wi kin gɛt wi mitin dɛn.

•   Gi kɔntribyushɔn dɛn Ɔnlayn: Na bɔku kɔntri dɛn, pipul dɛn kin yuz di pej we nem “Donate to Jehovah’s Witnesses” fɔ gi kɔntribyushɔn dɛn. Dɛn kin yuz krɛdit kad dɛn, dɛbit kad dɛn, ɛn ɔda ilɛktronik we dɛn fɔ gi kɔntribyushɔn. b Sɔm Jiova Witnɛs dɛn kin disayd fɔ “put sɔntin na kɔna” bay we dɛn de yuz wan pan dɛn difrɛn we dɛn ya fɔ gi patikyula amawnt ɛni mɔnt.—1 Kɔrintians 16:​2.

•   Kɔntribyushɔn we pɔsin kin plan fɔ gi: Sɔm we dɛn fɔ kɔntribyut kin min fɔ plan bifo tɛm ɛn/ɔ aks lɔya dɛn fɔ advays. We yu plan dɛn kayn we ya, i kin mek yu gɛt taks bɛnifit dɛn na yu kɔntri. Bɔku pipul dɛn dɔn bɛnɛfit bay we dɛn dɔn lan bɔt gift dɛn we pipul dɛn kin gi we dɛn de alayv ɔ we dɛn dɔn day. If yu go want fɔ gi kɔntribyushɔn we gɛt fɔ du wit di tin dɛn we de dɔŋ, na fɔ rayt to di branch ɔfis we de kia fɔ di say we yu de.

  •   bank accounts

  •   insurance and retirement plans

  •   real estate

  •   stocks and bonds

  •   wills and trusts

 If yu want fɔ no mɔ bɔt di difrɛn we dɛn fɔ gi kɔntribyushɔn na di say we yu de, go na di pej we nem “Donate to Jehovah’s Witnesses.”