Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Yesu?—Ye Jishinda, Bukine, ne Bumi

Uno buku, waamba pa bintu byonse byamwekele mu bwikalo bwa kwa Yesu byanembwa mu Baibolo.

BYAMBO BITANSHI

Jishinda, bukine, ne bumi

byubilo bya kwa Yesu ne byo afunijshe biji mu mabuku ana a mambo awama byakonsha kupimpula bwikalo bwenu.

KITANGO 1

Byambo Byafumine kwi Lesa

Malaika Ngabaliela waambile byambo byafumine kwi Lesa byakatezhe kwitabila.

KITANGO 3

Wakunengezha Jishinda Wasemwa

Zekaliya byo atatwiletu kwamba, waambile bungauzhi bwanema bingi.

KITANGO 4

Maliya Waimichile Saka Abula Kusongolwa

Nanchi Yosefwa waswile bya mubujile Maliya amba kechi mwanamulume mukwabo wamupa jiimi ne, bino amba waimita na mupashi wazhila nyi?

KITANGO 5

Yesu Wasemekejilwe Kwepi, Kabiji Ñanyi Kimye?

Twayuka byepi kuba’mba Yesu kechi wasemekelwe pa 25 December ne?

KITANGO 6

Mwana Walayilwe

Ba Yosefwa ne Maliya byo batwajile Yesu ku nzubo ya Lesa, bena Isalela babiji bakote baawile pa bwikalo bwa kwa Yesu bwa kulutwe.

KITANGO 7

Bashayuka ba Tubangabanga Bayile na Kumona Yesu

Mambo ka kabangabanga ko bamwene ku Musela o kakibatwajijile ku Mfumu Heloda wakanamine saka kakyangye kwibatwala kwi Yesu?

KITANGO 8

Banyemene Mfumu Wakanama

Bungauzhi bwa mu Baibolo busatu bwafikile mu bwikalo bwa kwa Yesu.

KITANGO 9

Bwikalo bwa kwa Yesu mu Nazala

Yesu wajinga na bankasanji babalume ne babakazhi banga?

KITANGO 10

Yesu, Bankasanji ne Bansemi Banji Baya ku Yelusalema

Ba Yosefwa ne Maliya baakaminwe bingi byo babujile kutana Yesu, bino aye wakuminye bingi pa kumvwa’mba kechi bayukile kwa kumutaana ne.

KITANGO 11

Yoano Mubatizhi Wanengezhezhe Jishinda

Bafaliseo ne Basadusea bamo byo baishile kwi aye, Yoano wibanenene. Mambo ka?

KITANGO 2

Yesu Wanemekelwe Saka Akyangye Kusemwa

Elisabeta ne mwananji wakijinga munda banemekele byepi Yesu?

KITANGO 12

Yesu Wabatizhiwe

Byo kiji kuba’mba Yesu kechi walengelepo mambo ne, mambo ka o abatizhiwe?

KITANGO 13

Funjilaiko ku Byaubile Yesu mu Kimye kya Meseko

Meseko apichilemo Yesu o asolola bishinka pe Diabola.

KITANGO 14

Yesu Watongola Baana Banji ba Bwanga

Ñanyi kintu kyalengejile baana ba bwanga ba kwa Yesu batanshi batanu na umo kushiinwa’mba batana Mesiasa?

KITANGO 15

Kya Kukumya Kitanshi Kyaubile Yesu

Yesu wamwesha bainanji ku­ba’mba Shanji wa mwiulu ye wamutangijilenga, kechi abo ne.

KITANGO 16

Yesu Wamwesheshe Mukoyo wa Kutundaika Mpopwelo ya Kine ya Lesa

Mizhilo ya Lesa yaswishishe bantu kupota banyama ba mulambo mu Yelusalema, pano mambo ka Yesu o azhingijile basulu bapoteshanga mu nzubo ya Lesa?

KITANGO 17

Yesu Wafunjishe Nikodema

“Kusemwa jibiji” kulumbulula ka?

KITANGO 18

Yesu Wayijilengako Palutwe, Yoano Wabwelelenga Panyuma

Baana ba bwanga ba kwa Yoano bajinga na kichima nangwa kya kuba Yoano aye kechi wajinga na kichima ne.

KITANGO 19

Yesu Wafunjishe Mwanamukazhi Mwina Samaliya

Yesu wabuujile mwanamukazhi mwina samaliya kintu kyo abujile kubuulapo muntu mukwabo ne.

KITANGO 20

Kya Kukumya kya Bubiji kyo Aubile mu Kena

Yesu wabuka mwana wamulume wajinga mu muzhi mukwabo palepele makilomita 26.

KITANGO 21

Yesu Watwelele mu Nshinagoga Yajinga mu Nazala

Ñanyi byambo byaambile Yesu byalengejile bantu mu Nazala kukeba kumwipaya?

KITANGO 22

Yesu Waichile Baana ba Bwanga Bana

Yesu waambijile baana ba bwanga bana kusankilapo mwingilo wa kukwata masabi ne kutendeka mwingilo mukwabo.

KITANGO 23

Yesu Waubile bya Kukumya Bikwabo mu Kapenama

Kimye Yesu kyo apangilemo bandemona mu bantu, wibakainye bandemona kubuula bantu amba Yesu mwana Lesa. Mambo ka?

KITANGO 24

Yesu Watwajijile na Mwingilo Wanji mu Ngalilea

Bantu baishile kwi Yesu ku­ba’mba ebabuke, pano Yesu walumbulwile kuba’mba kyo aishijile pano pa ntanda ke kusapwila mambo awama.

KITANGO 25

Waubijile Lusa Muntu wa Mbumba ne Kumubuka

Na byambo bichechetu, Yesu wamwesheshe kuba’mba waubijile lusa bantu bo abukanga.

KITANGO 26

“Mambo obe Alekelwa”

Ñanyi lukwatankano lwaambilepo Yesu luji pa bundengamambo ne bikola?

KITANGO 27

Yesu Waichile Mateo

Mambo ka Yesu o ajiilanga pamo na bandengamambo?

KITANGO 28

Mambo ka Baana ba Bwanga ba kwa Yesu o Babujilanga Kuzhikilwa na Nzala?

Yesu waingijishe kishimpi kya bafukuta ba biseba pa kwibakumbula.

KITANGO 29

Nanchi Muntu Wakonsha Kuba Mingilo Yawama pa Juba ja Sabado Nyi?

Mambo ka Bayudea bavula o batendekejile kukatazha Yesu na mambo a kubuka muntu wakolelwe pa myaka 38?

KITANGO 30

Bulunda Bwajinga na Yesu ne Bashanji

Bayudea balangulukile­nga’mba Yesu ubena kwiesakanya ne Lesa, bino Yesu waambile ku­ba’mba kechi waesakana pamo ne bashanji ne

KITANGO 31

Bachimawinenga Mitwe ya Wichi pa Juba ja Sabado

Mambo ka Yesu o etelejile’mba “Nkambo wa Sabado”?

KITANGO 32

Ñanyi Kintu Kyawama Kuba pa Juba ja Sabado?

Basadusea ne Bafaliseo kechi baumvwañananga ne, bino bakwatankene bingi mu kuba kintu kimo.

KITANGO 33

Wafikizhe Bungauzhi bwa kwa Isaya

Mambo ka Yesu o akambizhizhe bantu bo abukile kubula kubuula bantu muntu wibabuka nangwa byo auba?

KITANGO 34

Yesu Wasajile Batumwa Banji Jikumi na Babiji

Ñanyi lupusano luji pa baana ba bwanga ne batumwa?

KITANGO 35

Jashi Jaya Nkuwa jo Aambile pa Mutumba

Fundai bishinka biji mu jashi jaambile Yesu pa Mutumba.

KITANGO 36

Mukulumpe wa Bashilikale Wamwesheshe Lwitabilo Lukatampe

Ñanyi kintu kyaubile uno mukulumpe wa bashilikale kyalengejile Yesu kukumya?

KITANGO 37

Yesu Wasangwile Mwana wa Mwanamukazhi Wafwijilwe

Aba bamwene kyaubile Yesu bakwatakenye buneme bwa kino kya kukumya.

KITANGO 38

Yoano Wakebelenga Kumvwa ku Mwine Yesu

Mambo ka Yoano o ashikishe inge kya kuba’mba Yesu ye wajinga Mesiasa? Nanchi Yoano wazhinaukilenga nyi?

KITANGO 39

Malwa ku Kisemi Kibula Kulapila

Yesu waambile’mba pa Juba ja Kije, lukabisho lwa Sodoma lukakepa bingi kukila lukabisho lwa muzhi wa Kapenama, mo aingijilenga mingilo yavula bingi.

KITANGO 40

Wafunjishe pa Kwilekelako Mambo

Yesu byo abuujile mwanamukazhi wayukanyikilwe’mba pite amba mambo obe alekelwa, nanchi waambilenga’mba kijitu bulongo kulala mizhilo ya Lesa nyi?

KITANGO 41

Yesu Waubilenga bya Kukumya na Bulume bwa kwa Ñanyi?

Bankasanji balangulukilenga’mba Yesu wakonya.

KITANGO 42

Yesu Wanenene Bafaliseo

‘Kiyukilo kya ngauzhi Yona’ kyo ki ka?

KITANGO 43

Bishimpi Byaamba pa Bufumu

Yesu waambile bishimpi bitanu na bisatu pa kulumbulula Bufumu bwa mwiulu.

KITANGO 44

Yesu Wakainye Luvula pa Kalunga ka Mema

Yesu byo akainye kipuupu ne manyaki, witufunjisha kintu kyanema bingi pa bikekala bwikalo mu Bukalama bwanji.

KITANGO 45

Wapangile Bandemona Bavula

Nanchi muntu wakonsha kwikala na bandemona bavula nyi?

KITANGO 46

Wakwachile Kivwalo kya kwa Yesu ne Kubukwa

Mu jino jishimikila jawama, Yesu wamwesheshe bulume bwanji ne lusa lwanji.

KITANGO 47

Yesu Wasangwile Kashimbi

Bantu basekele byo baumvwine Yesu waamba’mba kashimbi walaala tulo. Ñanyi kintu kyayukile Yesu kyo babujile kuyuka abo?

KITANGO 48

Waubilenga bya Kukumya, Pano Bino Bamukaine ne mu Muzhi wa Nazala

Bantu ba mu Nazala kechi bamukaine Yesu na mambo a byo afunjishenga nangwa bya kukumya byo aubilenga ne, bino kwajinga kintu kikwabo kyalengejile kumukana.

KITANGO 49

Kusapwila mu Ngalilea ne Kufunjisha Batumwa

Byambo bya kuba’mba ‘Bufumu bwafwenya pepi’ bilumbulula ka?

KITANGO 50

Wibafunjishe Kusapwila Nangwatu mu Bimye bya Lumanamo

Mambo ka Yesu o abuujijile batumwa banji amba umvwe bemumanyika mu muzhi umo, nyemenai mu muzhi mukwabo inge kya kuba kechi bafwainwe kuchina lufu ne?

KITANGO 51

Baipayile Muntu pa Kijiilo kya Kuvuluka Juba ja Kusemwa

Mazha a kwa Salome asangajikile Heloda kabiji kyamulengejile kuchipa kuba’mba usakumupa kyonse kyo asakulomba. Ñanyi kintu kyo alombele?

KITANGO 52

Yesu Wajishishe Biumbi bya Bantu na Bashinkwa Batanu ne Masabi Abiji

kyakukumya kyaubile Yesu kyanemene bingi kya kuba banembi ba mabuku ana a Mambo Awama bekinembele.

KITANGO 53

Mfumu Wajinga na Bulume bwa Kukanya Luvula

Ñanyi lufunjisho lwafunjile batumwa kimye Yesu kyo aendele pa mema ne byo akainye luvula?

KITANGO 54

Yesu ye “Kajo ka Bumi”

Mambo ka Yesu o anenejile bantu nangwa kya kuba bafumine kwalepa kwiya kwi aye?

KITANGO 55

Ene Mambo a Kujiila Mubiji wa kwa Yesu ne Kutoma Mashi Anji

Yesu wafunjishe byambo bimo byafichishe baana banji ba bwanga ku muchima kabiji byalengejile bavula kuleka kumulondela.

KITANGO 56

Ñanyi Bintu Bizhilulula Muntu?

Ñanyi bintu bifuma mu kanwa, na­ngwa’mba bilupuka mu kanwa?

KITANGO 57

Yesu Wabukile Kashimbi ne Mwanamulume Wajinga Kamaama

Mambo ka mwanamukazhi o abujile kuzhingila kimye Yesu kyo aesakenye bantu ba mu kisaka kyanji ku twana twa kabwa?

KITANGO 58

Yesu Wavuzhizhe Bashinkwa Kabiji Wajimwineko Baana Banji ba Bwanga pa Mbizho

Kepo baana ba bwanga bakwatakenye mbizho ya ambilengapo Yesu.

KITANGO 59

Nanchi Mwana Muntu ye Ñanyi?

Makii a Bufumu o aka? Ñanyi wiengijishe ano makii, kabiji wiengijishe byepi?

KITANGO 60

Kimwesho kya Kwaluka Kyamwesheshe Lukumo lwa Kilishitu

Kimwesho kya kyaluka kyo kika? Kabiji kyalumbulwilenga ka?

KITANGO 61

Yesu Wabukile Kalombwana Wajinga na Ndemona

Yesu waambi­le’mba kyalengejile kubula kubuka kalombwana ke na mambo a kubula lwitabilo, pano ñanyi wabujile lwitabilo? Kalombwana nyi, inyi bashanji nangwa baana ba bwanga ba kwa Yesu?

KITANGO 62

Wibafunjishe Buneme bwa Kwipelula

Banabalume bafunjileko kintu kyanema ku mwana mucheche.

KITANGO 63

Yesu Waambile pa Kutuntwisha Bantu ne pa Bundengamambo

Waambile pa bintu bisatu bya kuba pa kupwisha makatazho akatampe pakachi ka balongo.

KITANGO 64

Wafunjishe bya Kwilekelako Mambo

Yesu waingijishe kishimpi kya muzha wabujile lusa pa kumwesha Lesa byo amona kwilekelako mambo.

KITANGO 65

Wafunjishenga Kimye kyo Bayilenga ku Yelusalema

Mu misambo ipi yo esambile na bantu basatu, Yesu waambile pa byubilo byakonsha kulengela muntu kukankalwa kwikala mwananji wa bwanga.

KITANGO 66

Watainwe ku Kujiilo kya Matente mu Yelusalema

Ñanyi kintu kyalengejile batelekelenga kwi Yesu kulanguluka’mba wajinga na ndemona?

KITANGO 67

“Kafwako Muntu Nangwa umo Wakyambapo Kala Byamba uno Muntu Ne”

Kije kikatampe kya Bayudea kyonse kyakebelenga kuzhachisha Yesu, bino umo wa mu kino kije wamwimenejileko.

KITANGO 68

Mwana Lesa ye ‘Kyeya kya Pano pa Ntanda’

Yesu waambi­le’mba “bukine bukemukasulula.” Kwibakasulula ku ka?

KITANGO 69

Nanchi Shabo Wajinga Abalahama Nyi, Inyi Diabola?

Yesu waambile bya kuyuka baana ba kwa Abalahama ne biji Bashanji.

KITANGO 70

Yesu Wabukile Mwanamulume Wasemekelwetu Mpofu

Baana ba bwanga baipwizhe ene mambo awa mwanamulume o aikejile mpofu. Nanchi walengele mambo nyi? Nanchi bansemi banji bo balengele mambo nyi? Milanguluko ya bantu yaabenejilemo kimye Yesu kyo abukile uno mwanamulume.

KITANGO 71

Bafaliseo Balukukile Mwanamulume Wajinga Mpofu Kala

Byaambile uno mwanamulume wajinga mpofu byazhingijishe Bafaliseo. Bansemi banji bachine kwibapanga mu nshinagoga ku Bafaliseo.

KITANGO 72

Yesu Watumine Baana ba Bwanga 70 na Kusapwila

Yesu byo ajinga mu Yudea, watumine baana ba bwanga 70 kuya na kusapwila Bufumu. Kwepi baana ba bwanga ko bayile na kusapwila, nanchi mu mashinagoga nyi, inyi mu mazubo a bantu?

KITANGO 73

Mwina Samaliya Wamwesheshe Bulunda Bwa Kine

Yesu waingijishe byepi kishimpi kya mwina Samaliya nangwa amba ‘mwina Samaliya wawama’ pa kufunjisha lufunjisho lwanema?

KITANGO 74

Wafunjishe pa Kutambwila Benyi ne Kulomba

Yesu wafwakashijile ba Maliya ne Mata ku nzubo yabo. Ñanyi bintu byo ebafunjishe pa kutambwila benyi? Kabiji ñanyi bintu byo abujile baana banji ba bwanga amba byo bafwainwe kulombanga?

KITANGO 75

Yesu Wasolwele Kilengela Bantu Kwikala na Lusekelo

Yesu wabujile boba bamulengulwilenga pa “munwe wa Lesa” ne ‘Bufumu bwa Lesa byo bwaishile kwi abo kwa kubula kuyuka’. Waambile ne pa byafwainwa kuba bantu pa kwikala na lusekelo lwa kine.

KITANGO 76

Kujiila Pamo Kajo na Mufaliseo

Yesu wasolwele patoka bukamfutumfutu bwa Bafaliseo ne banembeshi. Ñanyi bisendwa byanema byo batwikilenga bantu?

KITANGO 77

Yesu Wajimwineko Bantu pa Mambo a Bunonshi

Yesu waambile kishimpi kya mwanamulume munonshi washimikile matala akatampe. Ñanyi lujimuno lo abwazhezhepo pa bizumba biji mu kukeba bunonshi?

KITANGO 78

Kalama wa Kishinka Wafwainwa Kwinengezha

Yesu wamwesheshe’mba wakebelenga’mba baana banji ba bwanga bekale na bulunda bwawama na Lesa. Kalama wa kishinka waingila ñanyi mwingilo? Mambo ka lujimuno lwa kwikala benengezha o lwanemena?

KITANGO 79

Ene Mambo Lonaiko o Lukeshila

Yesu waambile’mba abo bo akwashishenga inge babula kulapila bakonaunwa. Nanchi bakwatakenye lufunjisho Yesu lo ebafunjishenga pa bulunda bwabo ne Lesa nyi?

KITANGO 80

Kafunga Wawama ne Bipaka bya Mikooko

Bulunda buji pakachi ka mikooko ne kafunga bumwesha Yesu byo amona baana banji ba bwanga. Nanchi bayuka mafunjisho anji ne kumulondela nyi?

KITANGO 81

Yesu Wingijila Pamo na Shanji, Pano Bino, Kechi Lesa Ne

Bantu bamo bamulengulwilenga Yesu bamupelemo mambo a kwiesakanya mwine ne Lesa. Wakaine byepi ano mambo?

KITANGO 82

Mwingilo wa kwa Yesu mu Pelia

Yesu walumbulwijile banteleki banji bikebewa pa kuba’mba bakapuluke. Byambo byanemene bingi kimye kyo ebyambile. Nga ano moba bingila nyi?

KITANGO 83

Bañanyi Lesa bo Etako ku Kijiilo?

Kimye kyo ajiilenga kajo mu nzubo ya mu Faliseo, Yesu waambile kishimpi kya kijiilo kikatampe kya mabanga. Waambile lufunjisho lwanema bingi ku bantu ba Lesa bonse. Ñanyi lufunjisho lonka lo?

KITANGO 84

Ñanyi Bintu Byavwangwamo mu Kwikala Mwana wa Bwanga?

Kwikala mwana wa bwanga wa kwa Kilishitu mwavwangwa bintu byavula bingi. Yesu waambile byavwangwamo. Bintu byo aambile byalengejile bantu bamo kukumya.

KITANGO 85

Kusangalala pa Ndengamambo Walapila

Bafaliseo ne banembeshi balengulwile Yesu na mambo a kupwanañana na bantutu. Pa kwibakumbula, Yesu waingijishe bishimpi kumwesha Lesa byo amona bandengamambo.

KITANGO 86

Mwana Waelekele Wabwelele

Tufunjilako ka ku kishimpi kya kwa Yesu kya mwana waelekele?

KITANGO 87

Ingijishainga Maana Alumbuluka pa Kwinengezhezha Jimo bya Kwikala Kulutwe

Yesu waingijishe kishimpi kya kalama wabujimbijimbi pa kufunjisha bukine bwanema.

KITANGO 88

Lupimpu Lwaubiwe ku Mwanamulume Nonshi ne Lazalasa

Kyakonsha kwitukwasha kumvwisha mwatala kishimpi kya kwa Yesu ke kuyuka bantu bo aambilepo bingi.

KITANGO 89

Wafunjishenga mu Pelia pa Kuya ku Yudea

Waambile pa kishinka kyanema kyakonsha kwitukwasha kulekelako boba betulenga mambo javula.

KITANGO 90

“Lusanguko ne Bumi”

Yesu watazhizhenga muka pa kwam­ba’mba aba bamwitabila ‘kechi bakafwa ne’?

KITANGO 91

Lazalasa Bamusangwile

Bintu bibiji byamwekele kimye kyasangwilwe Lazalasa byalengejile ne balwanyi ba kwa Yesu kukankalwa kukana kino kya kukumya.

KITANGO 92

Wabukile ba Mbumba Jikumi, Bino Umo ye Wamusanchijile

Mwanamulume ye babukile kechi wasanchijiletu Yesu ne, bino wasanchijile ne muntu mukwabo

KITANGO 93

Mwana Muntu Ukasololwa

Kwikalapo kwa Kilishitu kukekela byepi nobe kubesha kwa mvula?

KITANGO 94

Kulomba ne Kwipelula Kwanema Bingi

Mu kishimpi kyanji kya mutonyi wabujile koloka, Yesu wakoseshe buneme bwa kwikala na kyubilo kimo kyawama.

KITANGO 95

Wafunjishe pa Kwikana ne pa Kutemwa Baana

Yesu byo amonanga baana babacheche byapusene bingi na byamonanga baana banji ba bwanga. Mambo ka?

KITANGO 96

Yesu Wakumbwile Nsongwalume Ntangi Wajinga Munonshi

Ki ka kyalengejile Yesu kwam­ba’mba kyapela ngamela kupita mu jiso ja nguya kukila munonshi kutwela mu Bufumu bwa Lesa?

KITANGO 97

Kishimpi kya ba Mingilo ba Kwingila mu Bujimi bwa Miñanzañanza

Batanshi baikele byepi bapelako kabiji bapeleleko baikele byepi batanshi?

CHAPTER 98

Batumwa Babwezhezhepo Jikwabo Kukeba Bifulo Bikatampe

Yakoba ne Yoano bakebelenga kwikala na bifulo bya munema mu Bufumu, bino kechi bo bonkatu bakebelenga kino ne.

KITANGO 99

Yesu Wabukile Banabalume Bampofu Kabiji Wakwashishe Zakyasa

Mashimikila a mu Baibolo amweka nobe abena kwipachika aamba pe Yesu byo abukile mwanamulume mpofu kwipi na Yeliko?

KITANGO 100

Kishimpi kya Mali a Mpondo Jikumi

Yesu watazhizhe mwepi byo aambi­le’mba: “Yense uji na bintu, bakamubikilapo ne bikwabo, pakuba awa wabulabyo, bakamwangata ne kyo aji nakyo”?

KITANGO 101

Watainwe ku Kijiilo mu Nzubo ya kwa Shimona mu Betani

Maliya nyenga ya kwa Lazalasa waubile kintu kyabushishe mapata, bino Yesu wamupokolweleko.

KITANGO 102

Mfumu Watwelele mu Yelusalema Saka Aikala pa Mwana Mbongolo

Wafikizhe bungauzhi baawilwe saka papita ne myaka 500.

KITANGO 103

Nzubo ya Lesa Beitokeshe Jikwabo

Basulu ba mu Yelusalema kyamweka balondelanga mizhilo pa kuba busulu, pano mambo ka Yesu o ebatelejile’mba tupondo?

KITANGO 104

Nanchi Bayudea byo Baumvwine Jiwi ja Lesa Baitabijile Nyi?

Abya paji lupusano pa kwitabila mwi Yesu ne kumwesha lwitabilo nyi?

KITANGO 105

Waingijishe Kichi kya Mukuyu pa Kufunjisha Buneme bwa Kwikala na Lwitabilo

Yesu wafunjishe baana banji ba bwanga pa mambo a lwitabilo ne kwibalumbulwila ene mambo Lesa o akainjile kisaka kya bena Isalela.

KITANGO 106

Bishimpi Bibiji bya Majimi a Miñanzañanza

Fundai bilumbulula kishimpi kya mwanamulume watumine baana banji kuya na kwingila mu bujimi bwanji bwa miñanzañanza ne kishimpi kya muntu washijile bajimi babi bujimi bwanji bwa miñanzañanza.

KITANGO 107

Mfumu Waichile Bantu ku Kijiilo kya Masongola

Kishimpi kya kwa Yesu kyafikizhe bungauzhi.

KITANGO 108

Yesu Wavulañenye Milanguluko ya Bakebelenga mwa Kumutaaina na Mambo

Patanshi wazhindamikilepo Bafaliseo, apa bino wabwela wazhindamikapo ne Basaduse, kepo azhindamikile balwanyi bonse bakwatankene pamo.

KITANGO 109

Wanenene Balwanyi ba Bupopweshi

Mambo ka Yesu o abujijile kuswisha bisho bya bupopweshi?

KITANGO 110

Juba Japeleleko Yesu Kutanwa pa Nzubo ya Lesa

Yesu waambile pa byaubile mwanamukazhi wafwila pa kufunjisha lufunjisho lwanema bingi.

KITANGO 111

Batumwa Bakebelenga Kiyukilo

Bungauzhi bwanji bwafikile patanshi mu myaka kitota kitanshi. Nanchi buno bungauzhi bukafika pakatampe kulutwe nyi?

KITANGO 112

Waingijishe Kishimpi Kya Bakamwale Jikumi pa Kufunjisha Bantu Kwikala Balaba

Nanchi Yesu waambile­nga’mba batumwa banji bamo bakekala bakosama bino bakwabo amba bakekala ba maana nyi?

KITANGO 113

Waingijishe Kishimpi kya Matalenta pa Kufunjisha Bantu Kwingila na Ngovu

Kishimpi kya kwa Yesu kyalumbululwile bino byambo byo aambi­le’mba: “yense uji na bintu, bakamubikilapo ne bikwabo.”

KITANGO 114

Kilishitu Ukachibila Mambo Mikooko ne Bambuzhi

Kwingijisha kishimpi, Yesu walumbulwile kikalengela bunchibamambo.

KITANGO 115

Kijiilo kya Lupitailo kya kwa Yesu Kyapeleleko Kyafwenyenye Pepi

Mambo o kyanemena ku­ba’mba bantangi ba bupopweshi bapele Yudasa mali a siliva 30 ku­ba’mba asolole Yesu?

KITANGO 116

Wibafunjishe Kwipelula pa Kijiilo kya Lupitailo Kyapeleleko

Walengejile batumwa banji kukumya byo aingijile mwingilo wafwainwa kwingila kalume.

KITANGO 117

Kijiilo kya Nkambo kya Mabanga

Yesu watendekeshe kivuluko baana banji ba bwanga byo bafwainwe kwikalanga nakyo pa mwaka pa mwaka pa Nisanyi 14.

KITANGO 118

Kwipachika pa Wajinga Mukulumpe pe Abo

Batumwa balubile bibafunjishe Yesu patanshi bonkabwa bufuku. Yesu wibatekenyejile ne kwibololako.

KITANGO 119

Yesu ye Jishinda, Bukine ne Bumi

Yesu wafunjishe bukine bwanema bingi pa bya kusolomoka Lesa.

KITANGO 120

Kwikala Misampi Ipanga Bipangwa Kabiji Balunda ne Yesu

Mu ñanyi jishinda baana ba bwanga ba kwa Yesu mo ‘bapangila bipangwa’?

KITANGO 121

“Kosai! Amiwa Nepashinda Pano pa Ntanda”

Yesu wakonsheshe kushinda byepi pano pa ntanda inge kya kuba ba pano pa ntanda kechi bamwipayile ne?

KITANGO 122

Mulombelo wa Kupezhako Walombele Yesu mu Kibamba kya Peulu

Wamwesheshe’mba waingijile kintu kyanema bingi kukila ne kuleta lupulukilo ku bantu.

KITANGO 123

Walombele Kimye kyo Ajinga na Bulanda Bukatampe

Mambo ka Yesu o alombeji­le’mba: “Fumyai kano katomeno kwi amiwa”? Nanchi wachinuzhukilenga kufwa lufu lwa bukuzhi nyi?

KITANGO 124

Kilishitu Bamusolwele ne Kumukwata

Nangwa kya kuba pajinga pakachi ka bufuku, Yudasa wamutaaine Yesu.

KITANGO 125

Bamutwajile kwi Anasa, Kabiji Bakamufikizhe kwi Kaifasa

Jishinda jo bachibijilemo mambo a kwa Yesu kechi jayijilemo na mizhilo ne.

KITANGO 126

Bamukainjile mu Nzubo ya kwa Kaifasa

Ki ka kyalengejile Petelo kukana Yesu saka ajinga muntu wakosa kabiji wa kishinka?

KITANGO 127

Bamutwajile ku Saniedilini, Kepo Bamufikizhe kwi Pilato

Bantangi ba bupopweshi bwa Bayudea basolwele byajinga mu milanguluko yabo.

KITANGO 128

Kechi Bamutaainepo na Mambo kwi Pilato Nangwa kwi Heloda Ne

Mambo ka Pilato o atumijile Yesu kwi Heloda kuba’mba amuchibile mambo? Nanchi Pilato kechi wajinga na luusa lwa kuchibila Yesu mambo nyi?

KITANGO 129

Pilato Wabijikile’mba: “Talai! Uno Muntu!”

Ne Pilato naye waswile kuba’mba Yesu uji na byubilo byawama.

KITANGO 130

Yesu Bamupaine Kabiji Bamutwajile na Kumwipaya

Mambo ka Yesu o aambijile banabakazhi bajijilenga kwijila abo bene ne baana babo kechi kujila aye ne?

KITANGO 131

Mfumu Wabula Mambo Wamanamine pa Kichi

Yesu walayile kapondo umo ye apopelwe nanji pa kichi mulaye wawama.

KITANGO 132

“Kine, uno Muntu Wajinga Mwana Lesa”

Mfishi ya kukumya yajingako mute, kitentanshi, ne kwabanapo kwa kipembe kya mu nzubo ya Lesa, byonse bimwesha kishinka kimo.

KITANGO 133

Mubiji wa kwa Yesu Bamunengezhezhe ne Kumuzhiika

Mambo ka o bazhiikijile bukiji mubiji wa kwa Yesu juba saka jikyangye kuzhika?

KITANGO 134

Kilende Kyashinkukile, Kabiji Yesu Wajinga Mumi

Panyuma ya lusanguko lwanji, Yesu patanshi wamwekele ku mwananji wa bwanga wa mukazhi kechi ku batumwa banji ne.

KITANGO 135

Yesu Wasangwilwe Kabiji Wamwekele ku Bantu Bavula

Yesu wakwashishe byepi baana banji ba bwanga kushiinwa’mba kine wasanguka?

KITANGO 136

Ku Kitulu kya Kalunga ka Ngalilea

Petelo bamuvulwilemo pa bimye bisatu byo akonsha kumwesha’mba watemwa Yesu.

KITANGO 137

Bantu Bavula Bamumwene Kijiilo kya Pentekosita Saka Kikyangye Kufika

Yesu byo asangwilwe kabiji saka akyangye kuya mwiulu, wabwezhezhepo kubuula baana banji ba bwanga kintu kyo bakatambula ne byo bakekingijishanga.

KITANGO 138

Kilishitu Waikele ku Kuboko kwa Kilujo kya Lesa

Yesu waubilenga ka kimye kyo apembejilenga kushinda balwanyi banji?

KITANGO 139

Yesu Ukaleta Paladisa ne Kupwisha Mwingilo Wanji

Yesu ukoba bintu byavula bingi saka akyangye kulubula Bufumu kwi Lesa wanji kabiji Shanji.

Pa kuba’mba mwikale byonka byajinga Yesu, mwafwainwa . . .

Yesu wamwesheshe byubilo bitanun na bisatu mu bwikalo bwanji bonse.

Nteeta ya Binembelo

Ingijishai ino nteeta pa kuba’mba mutaane byepelo mu mabuku a Mambo Awama.

KITANGO 13

Nteeta ya bishimpi

Meseko apichilemo Yesu o asolola bishinka pe Diabola.

Bungauzhi Bumo Bwaamba pe Mesiasa

Kwesakanya bintu byamwekejile Yesu na byaamba bungauzhi bwa mu Baibolo bimwesha’mba kine wajinga Mesiasa ne byaambapo bitango bimo mu uno buku.

Mapunzha Kwaikele Yesu ne Kufunjisha

Uno mapu wamwesha mapunzha kwa sapwilanga Yesu.