Bansemi bakamwa Lesa bakebesha bingi baana babo kukekala ba kishinka kwi Yehoba inge bakoma. Bansemi mwakonsha kukwasha baana benu kwikala ba kishinka inge ke mwibafike pa muchima pa kwibafunjisha Mambo a Lesa. Mwafwainwa kutendeka kwibafunjisha saka bakijitu banyike. (Mpi 6:7; Man 22:6) Kuba bino kechi kwapela ne, pano bino mufuma byawama bingi.—3Yo 4.

Byo muji bansemi, mwakonsha kufunjilako kwi Yosefwa ne Maliya. “Bayanga kimye kyonse ku Yelusalema ku Kijiilo kya Lupitailo pa mwaka pa mwaka.” Kyakatezhe bingi kuba bino kabiji baingijishanga mali avula bingi. (Luk 2:41) Kyamweka Yosefwa ne Maliya banemekele bingi kwingijila Yehoba pamo na kisemi kyabo. Kyo kimotu ne lelo jino, bansemi bakonsha kufunjisha baana babo kupichila mu byambo ne mu byo boba.—Sl 127:3-5.

TAMBAI VIDYO WA KUBA’MBA BAFUNJISHE BAANA BABO BULONGO, APA BINO MUKUMBULE ANO MEPUZHO ALONDELAPO:

  • Ba Jon Schiller ne bakazhi babo ba Sharon batangizheko byepi Bufumu patanshi byo bakomeshenga baana babo?

  • Bansemi bakonsha kufunjisha byepi baana babo kwesakana na byo baji?

  • Bansemi bakonsha kukwasha byepi baana babo kushinda meseko eseka lwitabilo lwabo?

  • Ñanyi bintu byanengezha jibumba ja Yehoba byo mwingijisha pa kukwasha baana benu kwikala balunda na Yehoba?

Kwashai kisemi kyenu kutangizhako kwingijila Yehoba