Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Babena kufunjisha muntu Baibolo mu kyalo kya Czech Republic

MUTANCHI WA KUPWILA KWA BWIKALO NE MWINGILO WETU WA BWINA KILISHITU Mulombola 2018

Bya Kwisamba na Bantu

Kwisamba na bantu pa Baibolo ne bya kwikala bwikalo bwa lusekelo.

BYA BUNEME BIJI MU MAMBO A LESA

Kwipasha ne—Lupusano Luji pa Kijiilo kya Lupitailo ne Kivuluko

Nangwa kya kuba Kijiilo kya Lupitailo kechi kyaimenejilengako Kivuluko kya lufu lwa kwa Yesu Kilishitu ne, bino twakonsha kufunjilako bintu byavula bingi.

BYA BUNEME BIJI MU MAMBO A LESA

Yainga na Kufunjisha Bantu Kwikala ke Baana ba Bwanga—Mambo ka, Kwepi Kabiji mu Ñanyi Jishinda?

Kufunjisha bantu kwikala ke baana ba bwanga kulumbulula kwibafunjisha kulama bintu byonse byakambizhe Yesu. Mwingilo wetu wa kufunjisha bantu kwikala ke baana ba bwanga wavwangamo kufunjisha bantu kulondela byafunjishe Yesu ne byo aubanga.

BYAFWAINWA KWIKALA BENA KILISHITU

Ene Mambo Kusapwila ne Kufunjisha o Kwanemena pa Kukwasha Bantu Kwikala Baana ba Bwanga

Yesu wakambizhe baana banji ba bwanga kuya na kufunjisha bantu kwikala ke baana ba bwanga. Ñanyi bintu byavwangwa mu kuba bino? Twakonsha kukwasha byepi bantu kuyilako palutwe?

BYA BUNEME BIJI MU MAMBO A LESA

“Mambo Obe Alekelwa”

Tufunjilako ka ku kya kukumya kyanembwa pa Mako 2:5-12? Jino jishimikila jakonsha kwimukwasha byepi kuchinchika inge mubena kukolwa?

BYA BUNEME BIJI MU MAMBO A LESA

Kubuka Muntu pa Juba ja Sabado

Mambo ka Yesu o kyamufichile ku muchima pa kumona byubilo bya bantangi ba bupopweshi bwa Bayudea? Ñanyi mepuzho akonsha kwitulengela kuyuka inge tubila bantu lusa byonka byajinga Yesu?

BYA BUNEME BIJI MU MAMBO A LESA

Yesu Uji na Bulume bwa Kusangula Batemwe Betu Bafwa

Kulanguluka pa mashimikila a mu Baibolo aamba pa lusanguko kukosesha lwitabilo lwetu ne kwitulengela kushiinwa kuba’mba batemwe betu bafwa bakasangulwa.

BYAFWAINWA KWIKALA BENA KILISHITU

Ingijishainga Bulongo Mabuku o Tufunjishamo Bantu

Pa kuba’mba tufunjishe muntu bulongo, twafwainwa kuyuka bya kwingijisha mabuku o tufunjishamo bantu. Ñanyi buku mwine ye tufunjishamo bantu? Twakonsha kuyuka byepi bya kwingijisha bulongo mabuku otufunjishamo bantu?