Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Zekaliya 3:1-10

BIJI MU BUKU

  • Kimwesho kya buna: Pa bivwalo bya ñanga mwine mukatampe bapingizhapo bikwabo (1-10)

    • Satana wakanya Ñanga Mwine Mukatampe aye Yoshua (1)

    • “Nkaleta kalume wami aye Musele!” (8)

3  Kabiji wammwesheshe Yoshua+ ñanga mwine mukatampe saka aimana kuji malaika wa Yehoba, ne Satana+ waimene ku kilujo kyanji kuba’mba amukanye.  Kepo malaika wa Yehoba aambijile Satana amba: “Yehoba akukajipile obewa Satana,+ kine Yehoba yenka wasala Yelusalema+ akukajipile! Nanchi aye kechi uji nobe mwandalo ubena kupya ye basompola mu mujilo nenyi?”  Yoshua wavwajile bivwalo bya ndochi saka aimana kuji malaika.  Malaika waambijile aba baimene kwi aye amba, “Muvuulai bivwalo byanji bya ndochi.” Kepo amubuujile’mba, “Umvwa, bubi* bobe nebufumyapo pe obewa, kabiji basakukuvwika bivwalo byawama.”*+  Onkao mambo, naambile’mba: “Bamuvwike kitambala kyatoka ku mutwe.”+ Kabiji bamuvwikile kitambala kyatoka ku mutwe ne kumuvwika bivwalo; ne malaika wa Yehoba waimene kwipi.  Kepo malaika wa Yehoba aambijile Yoshua amba:  “Yehoba wa mabumba waamba’mba, ‘Inge ukendenga mu mashinda ami ne kuñingijila, po po ukekala mutonyi mu nzubo yami+ ne kulama* bipango byami; kabiji nkakuswisha kutwela mukachi ka bano baimana kuno.’  “‘Umvwa obewa Yoshua Ñanga Mwine Mukatampe, obewa ne balunda nobe bo wikala nabo, mambo bano banabalume ko kayukilo; umvwa! Nkaleta kalume wami+ aye Musele!+  Monai jibwe jo natula kwi Yoshua! Pa jonka jino jibwe jimo paji meso atanu na abiji; kabiji mbena kunembapo kya kukololola,’ byo byaamba Yehoba wa mabumba, ‘kabiji nkafumyapo bubi bwa kyokya kyalo mu juba jimo.’+ 10  Yehoba wa mabumba waamba’mba: “Mu jonkaja juba anweba bonse pa muntu pa muntu muketa ye mwikala nanji kipikipi kwiya na kwikala munshi ya muñanzañanza wenu ne munshi ya kichi kyenu kya mukuyu.”+

Tubyambo twa munshi

Nangwa’mba “mambo obe.”
Nangwa’mba “minkukumba ya munema.”
Nangwa’mba “wa kutala pa; kasopa.”