Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Yoshua 12:1-24

BIJI MU BUKU

  • Bamfumu bebashinda ku musela wa Yodano (1-6)

  • Bamfumu bebashinda ku muzhika wa Yodano (7-24)

12  Bamfumu bajinga mu kyalo bena Isalela bo bashinjile, bena kyalo kyo batambwile kwikala ke kyabo ku musela wa Yodano kufuma ku Kimpachiko kya Alanonyi*+ kukafika ne ku Mutumba wa Helemone+ ne Alaba yense ku musela, bajinga:+  Sihona+ Mfumu wa bena Amoli waikalanga mu Heshibonyi kabiji walaminenga kufuma ku Aloa,+ wajinga kwipi na Kimpachiko kya Alanonyi*+ ne pakachi ka kimpachiko ne lubaji lumo lwa Gileada kukafika ne ku Kimpachiko* kya Yaboka kumupaka na bena Amonyi.  Kabiji walaminenga ne mu Alaba kukafikatu ne ku Kalunga ka Mema ka Kineleta*+ ku musela ne ku Kalunga ka Mema ka Alaba, Kalunga ka Mema ka Mukele,* kukafika ne ku musela kutala ja Bete-yeshimota ne ku kabeta ka ku bulenge munshi ya mikolo ya Pishika.+  Ne nyaunda ya kwa Oga+ Mfumu wa Bashana, wapeleleko mu bena Lefwaimu+ kabiji waikalanga mu Ashatalota ne mu Edeleyi  kabiji walaminenga kyalo kyajinga ku Mutumba wa Helemone, mu Saleka ne mu Bashana+ yense kukafika ne ku mupaka na bena Geshula, bena Maakata+ ne lubaji lumo lwa Gileada kufika ne ku nyaunda ya kwa Sihona Mfumu wa Heshibonyi.+  Mosesa kalume wa Yehoba ne bena Isalela bo bebashinjile,+ kepo Mosesa kalume wa Yehoba apaine kyalo kyabo ku bena Lubenyi, bena Gadi ne kichika kya mukoka wa bena Manase kwikala ke kyabo.+  Abano bo bamfumu bajinga mu kyalo Yoshua ne bena Isalela bo bashinjile ku muzhika wa Yodano, kufuma ku Baela-gadi+ mu Kimpachiko kya Lebanoni+ kukafika ne ku Mutumba wa Halaka+ yenka wafika ne ku Seila,+ kabiji Yoshua wapaine kyalo kyabo ku mikoka ya bena Isalela kwikala ke kyabo,+  ku mpunzha ya mitumba, mu Shefela, mu Alaba, ku mikolo, mu kiselebwa ne mu Negeba+ kyalo kya bena Hiti, bena Amoli,+ bena Kenana, bena Pelizi, bena Hivi ne bena Yebusi:+   Umo wajinga mfumu wa ku Yeliko;+ mukwabo wajinga mfumu wa ku Ai+ yenka wajinga kwipi na Betele; 10  mukwabo wajinga mfumu wa ku Yelusalema; mukwabo wajinga mfumu wa ku Hebulona;+ 11  mukwabo wajinga mfumu wa ku Yalamuta; mukwabo wajinga mfumu wa ku Lakishi; 12  mukwabo wajinga mfumu wa ku Egalona; mukwabo wajinga mfumu wa ku Gezela;+ 13  mukwabo wajinga mfumu wa ku Debila;+ mukwabo wajinga mfumu wa ku Gedela; 14  mukwabo wajinga mfumu wa ku Holama; mukwabo wajinga mfumu wa ku Alada; 15  mukwabo wajinga mfumu wa ku Libina;+ mukwabo wajinga mfumu wa ku Adulama; 16  mukwabo wajinga mfumu wa ku Makeda;+ mukwabo wajinga mfumu wa ku Betele;+ 17  mukwabo wajinga mfumu wa ku Tapua; mukwabo wajinga mfumu wa ku Hefela; 18  mukwabo wajinga mfumu wa ku Afeki; mukwabo wajinga mfumu wa ku Lashalona; 19  mukwabo wajinga mfumu wa ku Madona; mukwabo wajinga mfumu wa ku Hazola;+ 20  mukwabo wajinga mfumu wa ku Shimilona-melona; mukwabo wajinga mfumu wa ku Akashafwa; 21  mukwabo wajinga mfumu wa ku Taanaka; mukwabo wajinga mfumu wa ku Megido; 22  mukwabo wajinga mfumu wa ku Kedeshi; mukwabo wajinga mfumu wa ku Yokeneama+ mu Kamela; 23  mukwabo wajinga mfumu wa ku Dola ku mikolo ya Dola;+ mukwabo wajinga mfumu wa ku Goyimu mu Giligala; 24  mukwabo wajinga mfumu wa ku Tiliza; bamfumu bonse pamo bajinga 31.

Tubyambo twa munshi

Nangwa’mba “Kakola ka Alanonyi.”
Nangwa’mba “Kakola ka Alanonyi.”
Nangwa’mba “Kakola.”
Ko kuba’mba, kizhiba kya Ngenesaleta, nangwa’mba Kalunga ka Mema ka Ngalilea.
Ko kuba’mba, Kalunga ka Mema Kafwa.