Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Yoba 40:1-24

BIJI MU BUKU

  • Mepuzho akwabo kufuma kwi Yehoba (1-24)

    • Yoba waswa’mba kafwako kyo akonsha kwambapo ne (3-5)

    • “Nanchi usakulengulula bunchibamambo bwami bwaoloka nyi?” (8)

    • Lesa walumbulula bulume bwa Kyovwe (15-24)

40  Yehoba watwajijile kwambila Yoba amba:   “Nanchi muntu wafwainwa kukebela mambo wa Bulume Bonse ne kwipachika nanji nyi?+ Awa ukeba kunena Lesa akumbule.”+   Yoba waambijile Yehoba amba:   “Talai! Amiwa newatutu.+ Nsakwimukumbula amba ka? Nakwata pa kanwa kami na kuboko kwami.+   Naambiletu jimo, bino kechi nkambapo jibiji ne;Kabiji kechi nsakunungapo pa byambo byo naambile ja bubiji ne.”   Kepo Yehoba aambijile Yoba mu kinkunkwila amba:+   “Inengezhe byonka byuba mwanamulume;Amiwa nsakukwipuzha, ne obewa umbule.+   Nanchi usakulengulula* bunchibamambo bwami bwaoloka nyi? Abya usakunzhachisha pa kuba’mba obewa wikale waoloka nyi?+   Nanchi uji na kuboko kuji na bulume nobe kwa Lesa wa kine nyi?+ Nangwa abya jiwi jobe jakonsha kululuma nobe janji nyi?+ 10  Ivwike obe mwine na lukumo ne buneme;Ivwike obe mwine munema ne buya. 11  Solola bukaji bobe;Tala muntu yense wilundumika, kabiji umulengeshe bumvu. 12  Tala muntu yense wilundumika, kabiji umupelule,Ne kunyantaula babi ponka po baimana. 13  Wibafye bonse mu maloba;Wibakashile* mu mpunzha mwafyamika, 14  Kepo amiwa nkamona*Amba kuboko kobe kwa kilujo kwakonsha kukupulusha. 15  Akilanguluka pa Kyovwe ye nalengele byonkatu byo nakulengele ne obewa. Aye uja nsono nobe ñombe. 16  Akilanguluka pa bulume buji mu mbunda yanjiNe ngovu iji mu misunyi ya mu jivumo janji! 17  Ukosesha mukila wanji nobe kichi kya sida;Mishipeshipe ya ku bijoma byanji yapikankana. 18  Bikupa byanji biji nobe mipaipi ya mukuba;Mikupa yanji iji nobe byela bya kapotwe. 19  Ye nyama mutanshi* Lesa ye alengele;Mulenga wanji ye yenka wakonsha kwiya kwipi na mpoko. 20  Mitumba imumeneshesha kajo,Konka kukayila banyama bonse ba mungye. 21  Ulaala munshi ya bichi bya miba,Ne mu matete a mu mapunzha mwazoba. 22  Bichi bya miba bimupa kimfutele,Ne misombo ya mu kimpachiko* saka yamuzhokoloka. 23  Umvwe mukola waubisha mukuku, aye kechi wakamwa ne. Aye uchinchikatu nangwa kya kuba mema a mu Yodano+ epuma pe aye. 24  Nanchi pajipo muntu wakonsha kumukwata ne aye saka amutala,Nangwa kumukoba kanda* mu myona yanji nyi?

Tubyambo twa munshi

Nangwa’mba “usakufumyapo.”
Mu Kihebelu, “Ukashile bilungi byabo.”
Nangwa’mba “nkakusanchila.”
Mu Kihebelu, “Yo ntendekelo.”
Nangwa’mba “kakola.”
Mu Kihebelu, “kakose.”