Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Yoba 3:1-26

BIJI MU BUKU

  • Yoba wijizhanya pa kusemwa (1-26)

    • Waipuzha ene mambo o abena kumanamina (20, 21)

3  Kepo Yoba atendekele kwamba ne kufinga juba jo asemenwe.+  Yoba waambile’mba:   “Aja juba jo nasemenwe jonaike,+Ne abwa bufuku muntu bo aambijilemo amba: ‘Baimita mwana wa mulume!’   Aja juba jaluke ke mfishi. Lesa wa mwiulu kange ejite muchima ne;Kyeya nakyo kange kisaminepo ne.   Mfishi ine ikatampe* ivwete aja juba. Ne jikumbi jafitatu bwii jikale ponka. Kintu kyonse kilenga mfishi kikale pa joja juba.   Abwa bufuku bufiitetu bwii;+Kange busekele pa moba onse a mu mwaka ne,Kabiji kange bwikalepo pa bañondo bonse ne.   Kine! Abwa bufuku bwikale bwatutu;Jiwi ja lusekelo kange jumvwanyikemo ne.   Aba bafinga juba, bejifinge,Bonkaba bakonsha kubuusha Leviatana.*+   Tubangabanga twajo twa ku makya tuzhime;Jipembelelenga kyatu kwa kubula kumona kyeya,Kabiji kange jimone mintetenga ya lukelo ne. 10  Mambo kechi jashinkile binzhilo bya munda mwa bamama ne;+Kabiji kechi jafiile makatazho ami ne. 11  Mambo ka o nabujiletu kufwa pa kusemwa? Mambo ka o nabujile kufwa ponkatu pa kufuma munda?+ 12  Mambo ka o bandelejile pa mauluNe kumpa mabele a kwamwa? 13  Mambo kino kimye inge nalaala kwa kubula bya kunkatazha;+Inge nalaala ne kukokoloka+ 14  Na bamfumu ba pano pa ntanda ne bebabuulangako maana,Bonka beshimikijile mapunzha aaluka luno ke masala,* 15  Nangwa na babitumbafumu bajinga na ngolode,Bonka bajinga na mazubo ayujile siliva. 16  Nangwa mambo ka o nabujiletu kwikala nobe mwana ye bapulumuna,Nobe mwana wabula kumonapo kyeya? 17  Akwa mubi ko abula kumanama;Konka ko bakokolokela aba bakooka.+ 18  Konkakwa bakaili ko baikala pamo mu mutende;Kechi bomvwapo jiwi ja muntu ubena kwibakanjikizha kwingila ne. 19  Wabula kunema ne wanema bonse baesakana kokwa,+Ne muzha ukasuluka kufuma kwi nkambo yanji. 20  Mambo ka Lesa o apaina bumi* ku yewa ubena kuyandaNe kupana bumi ku boba babena kumanama?*+ 21  Aba bakeba kufwa, mambo ka o babujila kufwa?+ Bonka bakebesha lufu kukila byo bakeba bya buneme byafyamika, 22  Bonkaba basangalala bingi,Bekala na lusekelo na mambo a kuba bataana kilende. 23  Mambo ka Lesa o apaina bumi ku muntu wabula kuyuka jishinda janji,Yenka Lesa ye azhikijila?+ 24  Mibinzo yami yaalukatu nobe ko kajo kami,+Ne miteto yami+ ibena kwitulukatu nobe mema. 25  Mambo kintu kyo nachinanga kyamfikila,Ne kintu kyo naakamwanga kyammwekela. 26  Kechi naikalapo mutende nangwa kwikalatu nzoo ne, kabiji kechi nakokolokapo ne,Bino makatazho abena kwiyatu.”

Tubyambo twa munshi

Nangwa’mba “Mfishi ne kimvule kya lufu bivwete.”
Kyamweka wimenako kiwele nangwa lukinyama mukwabo mukaji utanwa mu mema.
Nangwa, “bakeshimukulwila mapunzha aonaika.”
Mu Kihebelu, “kyeya.”
Nangwa’mba “boba baji na mweo wa bulanda.”