Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Nahumi 2:1-13

BIJI MU BUKU

  • Ninevwa bakamonauna (1-13)

    • “Bibelo bya ku mikola bakebishinkula” (6)

2  Awa upalañanya waiya na kulwa ne obewa.*+ Zhikijila mapunzha aji na masakwa akosa. Sopanga mukwakwa. Ipanzai* kabiji mwikale na bulume.   Mambo Yehoba ukabwezha lukumo lwa kwa Yakoba,Pamo na lukumo lwa Isalela,Mambo bebonauna ku boba bonauna;+Kabiji baonauna misele yabo.   Makebo a babiyangala banji beapenta musombelo uchila,Bashilikale banji bavwala byachijisha. Byela biji ku makalaki anji a nkondo bibekauka nobe mujiloMu juba jo epanza kulwa nkondo,Ne mafumo aji mu misako ya bichi bya yunipa abena kubekauka.   Makalaki a nkondo apita lubilo mu mikwakwa nobe bakonye. Aya lubilo ne kutwela mu mabanza. Abekauka nobe nsoko ya mujilo ne kubesha nobe kubesha kwa mvula.   Aye uketa babinemanga banji. Baketuntula byo bakayanga. Banyemena ku nsakwa yanji;Ne kubikako kintu kya kuzhikijila.   Bibelo bya ku mikola bakebishinkula,Ne jilapa bakejonauna.*   Babijika’mba: Muzhi bamushatu patoka,Bamusenda, ne bazha banji ba bakazhi bajila;Babena kujila nobe bankunda saka bapuma pa byaji* byabo.   Mu moba anji onse Ninevwa+ wajinga nobe kizhiba kya mema,Pano babena kunyema. “Imanaitu! Imanaitu!” Bino kafwako nangwa umo ubena kutalakunyuma ne.+   Pukulai siliva, pukulai ngolode! Bya bunonshi kechi bipwa ne. Bebilamina pamo na bya buneme byonse. 10  Muzhi washalatu mwabula bantu, ke masalatu kabiji waonaika!+ Michima yabo yasusubala na mambo a moyo, manungo abo abena kuzakama, tupole twabo tubena kuzakama;Bilungi byabo byonse byaakamwa. 11  Mwepi mulaala mabokwe,+ mujiila baana ba mabokwe,Monka bokwe mo atwala baana banji,Mwakuba kafwako nangwa umo wa kwibalengesha moyo ne? 12  Bokwe wayipaile nyama yavula ya kupa baana banjiKabiji waipayile nyama ya kupa mabokwe anji akazhi. Mu jiyengo janji wayuzhizhemo nyama,Mo alaala wayuzhizhemo nyama yo atabawile. 13  Yehoba wa mabumba waamba’mba, “Umvwa! Mbena kulwa ne obewa,+Nkasokela makalaki obe a nkondo mu bwishi,+Kabiji mpoko ikonauna baana bobe ba mabokwe. Nkafumyapo banyama bo uja pano pa ntanda,Ne mawi a baluwe bobe kechi akomvwanyikapo jibiji ne.”+

Tubyambo twa munshi

Ko kuba’mba, Ninevwa.
Mu Kihebelu, “Koseshai tupole.”
Nangwa’mba “jikapona.”
Mu Kihebelu, “michima.”