Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Musapwishi 3:1-22

BIJI MU BUKU

  • Kintu kyonse kiji na kimye kyakyo (1-8)

  • Kwiyowa bumi ke bupe bufuma kwi Lesa (9-15)

    • Mulanguluko wa kwikala myaka ne myaka uji mu muchima wa muntu (11)

  • Lesa uchibila mambo bonse monka mo aolokela (16, 17)

  • Bantu ne banyama bonse bafwa (18-22)

    • Bonse babwela ku maloba (20)

3  Bintu byonse biji na kimye kyabyo,Ne mingilo yonse ya pano pa ntanda iji na kimye kyayo:   Kuji kimye kya kusemwa ne kimye kya kufwa;Kimye kya kujimba ne kimye kya kujimbula byo bajimbile;   Kuji kimye kya kwipayañana ne kimye kya kubukañana;Kimye kya kukundula ne kimye kya kushimika;   Kuji kimye kya kujila ne kimye kya kuseka;Kimye kya bulanda ne kimye kya kuzha;*   Kuji kimye kya kutaya mabwe ne kimye kya kubungizha mabwe pamo;Kimye kya kwipakachilamo ne kimye kya kwitalatu;   Kuji kimye kya kukeba kintu ne kimye kya kuleka kukeba;Kimye kya kulama bintu ne kimye kya kwibitaya;   Kuji kimye kya kutabula+ ne kimye kya kusona;Kimye kya kuzhindama+ ne kimye kya kwamba;+   Kuji kimye kya kwitemwa ne kimye kya kwishikwa;+Kimye kya nkondo ne kimye kya mutende.  Nanchi wa mwingilo umwenamo ka mu mingilo yanji yonse yo engila?+ 10  Namona mingilo Lesa yo apa bantu kuba’mba ibalengele kupayankana. 11  Lesa wauba bintu byawama* mu kimye kyabyo.+ Wabika ne mulanguluko wa kwikala myaka ne myaka mu michima ya bantu; pano bino, bantu kechi bakonsha kuyuka mingilo yaingila Lesa wa kine kufuma ku ntendekelo kufika ne ku mpelo ne. 12  Namona kuba’mba kintu kyawama ku muntu ke kusangalala ne kuba bintu byawama mu bwikalo bwanji,+ 13  ne kuba’mba muntu yense wafwainwa kuja, kutoma ne kusangalela mu mingilo yanji yonse. Kino ke kya bupe kyafuma kwi Lesa.+ 14  Nayuka namba bintu byonse byalenga Lesa wa kine bikekala myaka ne myaka. Kafwako kyo bafwainwa kunungako nangwa kufumyako ne. Lesa wa kine wauba bino pa kuba’mba bantu bamwakamwenga.+ 15  Bintu byamweka, byamwekelepo ne kala, kabiji abya bijiko, byajingako ne kala;+ pakuba Lesa wa kine ukebela byawama boba bo bamanyika. 16  Kabiji namona kino pano pa ntanda kya kuba’mba: Pafwainwe bunchibamambo bwaoloka pajinga bubi, kabiji pafwainwe bololoke napo pajinga bubi.+ 17  Naambile mu muchima wami namba: “Lesa wa kine ukachibila mambo baoloka ne babi,+ mambo mingilo yonse ne bintu byonse byuba muntu biji na kimye kyabyo.” 18  Kabiji naambile mu muchima wami pa mambo a bantu kuba’mba Lesa wa kine ukebeseka ne kwibamwesha’mba bajitu nobe banyama, 19  mambo kintu kimwekela* bantu kyo kimwekela ne banyama; kintutu kimo kibamwekela bonse.+ Mambo bantu ne banyama bonse bafwa; bonse bajitu na muya umo.+ Onkao mambo, muntu kechi wakila banyama ne, mambo byonse byo byatu. 20  Bonse bayatu kuntu kumo.+ Bonse bafumine ku maloba+ kabiji bonse babwela ku maloba.+ 21  Ñanyi wayuka inge muya wa bantu uya mwiulu, ne kuba’mba muya wa banyama ushala pa ntanda?+ 22  Kabiji namwene kuba’mba kintu kyawamatu ku muntu ke kumwena lusekelo mu mingilo yanji,+ mambo yo mfweto yanji; mambo ñanyi wakonsha kumulengela kumona bintu bikamweka inge wafwa?+

Tubyambo twa munshi

Mu Kihebelu, “kutolauka; kukilauka.”
Nangwa’mba “wibitanchika bulongo; wawamisha; byafwainwa.”
Nangwa’mba “kiyatu kwa kubula kuketekela.”