Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Musapwishi 11:1-10

BIJI MU BUKU

  • Kushukilwa kimye (1-8)

    • Tayai kajo kenu mu mema (1)

    • Byalai nkunwa lukelo kufikatu ne mabanga (6)

  • Sangalela mu bunsongwalume bobe mu jishinda jawama (9, 10)

11  Tayai* kajo kenu pa mema,+ mambo mukekataana jikwabo umvwe papita moba avula.+  Abanyai kajo kamo ku bantu batanu na babiji nangwa ku batanu na basatu,+ mambo kechi mwayuka bintu byatama* bikamweka pano pa ntanda ne.  Umvwe makumbi afinda, anokesha mvula mukatampe pano pa ntanda; kabiji inge kichi kyaponena ku kabeta ka ku bulenge nangwa ku kabeta ka ku buyeke, kikekala konkakwa ko kyaponena.  Muntu utala bibena kwenda mwela kechi ukabyala nkunwa ne, ne yewa utala makumbi kechi ukanowa kajo ne.+  Byonkatu byo mwabula kuyuka bingila mupashi mu bikupa bya mwana* uji munda ya inanji,+ byo byo mwabula ne kuyuka bintu byonse byauba Lesa wa kine.+  Byalai nkunwa yenu lukelo kabiji mabanga kange mwikaletu ne;+ mambo kechi mwayuka ikamena ne, kana iye nyi, kana yoya, nangwa kana yonse ikamena.  Kyeya nakyo kyawama bingi, kabiji kyawama meso kumona kyeya.  Mambo inge muntu waikala myaka yavula, asangalele mu yoyo myaka yonse.+ Kabiji wafwainwa kuvuluka’mba moba a bya malwa akonsha kuvula. Bintu byonse bikamweka kulutwe, bikekala ke byatu.+  Obewa nsongwalume, sangalela mu moba a bunsongwalume bobe, kabiji muchima wobe asekele mu bwanyike bobe. Saka uba bintu monka mukebela muchima wobe ne kuya konse kukutangijila meso obe; bino yuka’mba Lesa wa kine ukakuchibila mambo* pa bintu byonse byo uba.+ 10  Onkao mambo, fumya makatazho mu muchima wobe ne kuzhikijila mubiji wobe ku bintu byatama, mambo moba a bwanyike ne a bunsongwalume o atu.+

Tubyambo twa munshi

Nangwa’mba “Tumai.”
Nangwa’mba “bya malwa.”
Mu Kihebelu, “bikupa munda mwa.”
Nangwa’mba “ukakutotolwesha.”