Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 95:1-11

BIJI MU BUKU

  • Kupopwela kwa kine kwa na lukookelo

    • “Lelo jino, umvwe anweba mumvwe jiwi janji” (7)

    • ‘Kange mukoseshe michima yenu ne’ (8)

    • “Kechi bakatwelamo mwa kukokolokela mwami ne” (11)

95  Iyai twimbile Yehoba na lusekelo! Iyai tube kiwowo kya lusekelo ku Jibwe jetu ja lupulukilo.+   Twayai tufwenye mu kyenyi kyanji* na kusanta;+Twayai tumwimbile lwimbo wa kushinda.   Mambo Yehoba ye Lesa mukatampe,Ye Mfumu mukatampe kukila balesa bonse.+   Kuzhika konse kwa ntanda kuji mu kuboko kwanji;Ne mitumba yalepa yo yanji.+   Kalunga ka mema ko alengele, ko kanji,+Kabiji maboko anji alengele mushiji wauma.+   Iyai, tumufukamine ne kumupopwela;Twayai tufukame ku meso a Yehoba Mulenga wetu.+   Mambo aye ye Lesa wetu,Ne atweba twi bantu banji bo ajiisha,Mikooko yo alama.*+ Lelo jino, umvwe anweba mumvwe jiwi janji,+   Kange mukoseshe michima yenu byonka byaubile bashakulu benu ku Meliba* ne,+Ne byonka byo kyajinga ku Masa* mu kiselebwa,+   Bashakulu benu byo bangesekelenga ne;+Bandengulwilenga nangwa kya kuba bamwene mingilo yami.+ 10  Mambo pa myaka 40, akya kisemi kechi kyantokeshenga ku muchima ne, naambile namba: “Kimye kyonse, michima yabo isendukamo mu jishinda;Kechi bayuka mashinda ami ne.” 11  Onkao mambo, nachipile na bukaji namba: “Kechi bakatwelamo mwa kukokolokela mwami ne.”+

Tubyambo twa munshi

Mu Kihebelu, “ku meso anji.”
Mu Kihebelu, “ya mu kuboko kwanji.”
Kulumbulula’mba “Kutoboka.”
Kulumbulula’mba “Kweseka; Lweseko.”