Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 94:1-23

BIJI MU BUKU

  • Lulombelo lwa kuba’mba Lesa akashinkanye

    • “Bimye binga babi byo bakatwajijila?” (3)

    • Kololako kwa Yehoba kuleta lusekelo (12)

    • Lesa kechi ukalekelela bantu banji ne (14)

    • “Saka jibena kuleta makatazho na kubepekezha kulondela mizhilo” (20)

94  Anweba Yehoba, Lesa ushinkanya,+Anweba Lesa ushinkanya, samai!   Imanai, anweba Mutonyi wa pano pa ntanda.+ Fwetai aba betota byonka bibafwainwa.+   Bimye binga, anweba Yehoba,Bimye binga babi byo bakatwajijila kwitumbijika?+   Babauka ne kwamba na kwitota;Bantu bonse batama betota.   Basansaula bantu benu, anweba Yehoba,+Ne kumanyika buswanyi bwenu.   Bepaya mwanamukazhi wafwilwa ne muntu wafuma ku kyalo kingi,Kabiji bepaya baana babula bashabo.   Baamba’mba: “Yehoba kechi umona ne;+Lesa wa Yakoba kechi wayuka kibena kubiwa ne.”+   Anweba babula maana kwatakanyai kino;Anweba bakosama, ñanyi kimye kyo mukamwesha’mba muji na milangwe?+   Nanchi awa walengele* kutwi, kechi wakonsha kumvwa nenyi? Nanchi awa walengele jiso kechi wakonsha kumona nenyi?+ 10  Nanchi awa ololako bisaka bya bantu, kechi wakonsha kufunjisha nenyi?+ Aye ye upana maana ku bantu!+ 11  Yehoba wayuka milanguluko ya bantu,Amba ijitu nobe muya.+ 12  Ye mwine wa lusekelo awa ye mololako anweba Yehoba,+Yenka ye mufunjisha mizhilo yenu,+ 13  Amba mumulengele kwikala mutende mu moba a bya malwa,Kufikatu ne mubi byo bakamupoyila kimbo.+ 14  Mambo Yehoba kechi ukebataya bantu banji,+Nangwa kulekelela buswanyi bwanji ne.+ 15  Mambo bunchibamambo bukoloka jibiji,Ne bonse baoloka michima bakebulondela. 16  Ñanyi ukandwilako na babi? Ñanyi ukandwilako na bantu boba byatama? 17  Inge Yehoba kechi wankwashishenga ne,Amiwa* inge nafwiletu kala.*+ 18  Byo naambile namba: “Kulu kwami kubena kutezhimuka,”Butemwe bwenu bubula kwaluka, anweba Yehoba, bwankwashishenga.+ 19  Bijikila* byamvujiile,*Anweba mwantekeneshe ne kunsangajika.*+ 20  Nanchi jitanda* jatama jakonsha kukwatankana ne anwebaSaka jibena kuleta makatazho na kubepekezha kulondela mizhilo nyi?+ 21  Balukuka muntu waoloka*+Ne kuzhachisha muntu wabula mambo amba afwe.*+ 22  Bino Yehoba ukekala ke kya kufyamamo kyami kyakosa,*Lesa wami ye jibwe jami ja kufyamamo.+ 23  Aye ukalengela mingilo yabo ya bubi kwibafikila abo bene+Ukebonauna* na mambo a bubi bwabo. Yehoba Lesa wetu ukebonauna.*+

Tubyambo twa munshi

Mu Kihebelu, “kujimba.”
Nangwa’mba “Mweo wami.”
Mu Kihebelu, “naikele mwazhindama.”
Nangwa’mba “milanguluko yakatazha.”
Nangwa’mba “byavujile mwi amiwa.”
Nangwa’mba “Lutekenesho lwenu lwasangajikile mweo wami.”
Nangwa’mba “bakalama; bamitonyi.”
Nangwa’mba “mweo wa muntu waoloka.”
Mu Kihebelu, “Ne mashi a muntu wabula mambo beazhachisha (a bubi).”
Nangwa’mba “kyamba kyalepa.”
Mu Kihebelu, “ukebazhindamikapo.”
Mu Kihebelu, “ukebazhindamikapo.”