Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 9:1-20

BIJI MU BUKU

  • Kwamba pa mingilo ya Lesa ya kukumya

    • Yehoba kyo kya kufyamamo kyakosa (9)

    • Kuyuka jizhina ja Lesa kulumbulula kuketekela mwi aye (10)

Kwi ntangi; pa Mutalabeni.* Lwimbo wa kwa Davida. א [Aleph] 9  Anweba Yehoba, nkemutota na muchima wami yense;Nkambanga pa mingilo yenu yonse ya kukumya.+   Nkasekelanga ne kusangalela mwi anweba;Nkembanga nyimbo ya kutota jizhina jenu, anweba Mwine Wakila.+ ב [Beth]   Balwanyi bami byo bakaluluka,+Baketuntula ne konaika ku meso enu.   Mambo anweba munchibila mambo bulongo;Mwikala pa jitanda jenu na kuchiba mambo mu bololoke.+ ג [Gimel]   Mwakajipila bisaka bya bantu+ ne konauna babi,Ne kuzhiya mazhina abo myaka ne myaka.   Balwanyi mwibonauna myaka ne myaka;Mwakundawile mizhi yabo,Kabiji kechi bakebavulukapo jibiji ne.+ ה [He]   Bino Yehoba ye kalama wa myaka ne myaka;+Waikajika jitanda janji na kuchiba mambo mu bololoke.+   Ukachibila mambo ba pano pa ntanda* mu bololoke;+Ukachibila mambo bisaka bya bantu monka mo aolokela.+ ו [Waw]   Yehoba ukekala kya kufyamamo kyakosa kya bantu bo bamanyika,+Ye kya kufyamamo kyakosa mu bimye bya malwa.+ 10  Aba bayuka jizhina jenu bakemuketekela;+Anweba Yehoba, kechi mukasha aba bemukeba ne.+ ז [Zayin] 11  Mwimbilai Yehoba nyimbo ya kumutota, yenka wikala mu Ziona;Buulai mitundu ya bantu+ mingilo yanji. 12  Mambo aye ushinkanya na mambo a mashi abo wibavuluka;+Kechi ukalubako kujila kwa boba bo bamanyika ne.+ ח [Heth] 13  Anweba Yehoba, ngubilai lusa; monai boba banshikwa byo babena kummanyika,Anweba mumbuusha kufuma ku bibelo bya lufu,+ 14  Pa kuba’mba ñambe pa mingilo yenu yawama mu bibelo bya mwana wa mukazhi Ziona,+Ne kusekela mu lupulukilo lwenu.+ ט [Teth] 15  Bisaka bya bantu byakuzukila mu kimbo kyo byapoyile;Maulu abo afwa mu bukonde bo batele.+ 16  Yehoba wayukanyikwa na mambo a bunchibamambo bwanji.+ Mubi wafwa mu kitewa kyo atele na maboko anji.+ Higeyona.* (Selah) י [Yod] 17  Bantu babi bakaya ku Kilende,*Ne bisaka bya bantu byonse byamuvulama Lesa. 18  Pakuba bayanji kechi bakebavulamako moba onse ne;+Ne luketekelo lwa bakimote kechi lukapwa ne.+ כ [Kaph] 19  Anweba Yehoba, imanai! Kange muleke muntu ufwa emushinde ne. Bisaka bya bantu bebichibile mambo saka mumonako.+ 20  Anweba Yehoba, bobishai moyo,+Bisaka bya bantu biyuke’mba bantutu. (Selah)

Tubyambo twa munshi

Nangwa’mba “ntanda mwikala bantu.”
Nangwa’mba “Shelo,” ko kuba’mba, kilende kya bantu bonse. Monai Mutanchi.