Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 79:1-13

BIJI MU BUKU

  • Lulombelo kimye bisaka bya bantu kyo byalukukile bantu ba Lesa

    • ‘Twi bakwendelekwa’ (4)

    • ‘Tukwashai na mambo a jizhina jenu’ (9)

    • “Shinkanyai na boba bo twikala nabo kipikipi jitanu na jibiji” (12)

Lwimbo wa kwa Asafwa.+ 79  Anweba Lesa, bisaka bya bantu byalukuka buswanyi bwenu;+Byazhilulula nzubo yenu yazhila;+Byaalula Yelusalema ke milumba ya byapumauka.+   Bapana mibiji ya bakalume benu bafwa kwikala kajo ka bañonyiNe mibiji ya bantu benu ba kishinka ku banyama bakaji ba mungye.+   Baichila mashi abo nobe mema kuzhokoloka Yelusalema,Kabiji kafwako nangwa umo washalapo wa kwibazhiika ne.+   Twaaluka ke bakwendelekwa ku boba bo twikala nabo kipikipi;+Aba betuzhokoloka babena kwitwambila mwenga ne kwituseka.   Anweba Yehoba, bimye binga byo mukazhingila? Nanchi myaka ne myaka nyi?+ Bimye binga bukaji bwenu byo bukateemanga nobe mujilo?+   Itulwilai bukaji bwenu pa bisaka bya bantu byabula kwimuyukaNe pa bufumu bubula kwita pa jizhina jenu.+   Mambo baipaya YakobaKabiji baonauna kyalo kyanji.+   Kange mwitupemo mambo pa mambo alengele bashakulu betu ne.+ Tubilai lusa bukiji,+Mambo twapelulwa bingi.   Tukwashai anweba Lesa wa lupulukilo lwetu,+Na mambo a jizhina jenu ja lukumo;Tupokololai ne kwitulekelako* mambo etu na mambo a jizhina jenu.+ 10  Mambo ka bisaka bya bantu o byafwainwa kwambila’mba: “Lesa wabo uji pi?”+ Kisoloke kwi atweba mu bisaka bya bantuAmba mashi a bakalume benu beashinkanya.+ 11  Umvwai kubinza kwa bantu bo bakwata.+ Ingijishai bulume* bwenu bukatampe kupokolwelamo* boba bo bachibila mambo amba bafwe.*+ 12  Shinkanyai na boba bo twikala nabo kipikipi jitanu na jibiji+Na mambo a myendeleko yo bemwendeleka anweba Yehoba.+ 13  Kepo atweba bantu benu, jitanga jenu jo mujiisha,+Tukemusanchilanga myaka ne myaka;Kabiji tukemutotanga ku bisemi byonse bikeya.+

Tubyambo twa munshi

Mu Kihebelu, “kuvweta.”
Mu Kihebelu, “mukoko.”
Nangwa, “kwibakasulula.”
Mu Kihebelu, “baana ba lufu.”