Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 45:1-17

BIJI MU BUKU

  • Masongola a mfumu washingwa

    • Byambo byawama (2)

    • “Lesa jo jitanda jobe ja myaka ne myaka” (6)

    • Mfumu ubena kulanguluka pa buya bwa musongwa (11)

    • Baana bakekala ba bitumbafumu pa ntanda ponse (16)

Kwi ntangi; kwimbila pa “Maluba.” Salamo wa baana ba kwa Kola.+ Masikila.* Lwimbo wa butemwe. 45  Muchima wami wasangalala na mambo a bintu byawama. Naamba namba: “Lwimbo wami ke wa kwimbila* mfumu.”+ Lujimi wami ekale nobe kinembesho*+ kya munembeshi unemba bulongo.+   Yobe wakila kulamba pa baana ba balume ba bantu. Mu bya tunwa byobe mulupuka byambo byawama.+ O ene mambo Lesa o a kupeshesha myaka ne myaka.+   Obewa kilobo,+ kashila mpoko yobe+ mu lubunda,Pamo na lukumo ne buneme bobe.+   Kabiji shindanga* mu buneme bobe;+Endanga mu bukine, mu kwipelula ne mu bololoke,+Ne kuboko kobe kwa kilujo kukooba* bintu bya kukumya.   Miketo yobe yatwa, iponesha bantu ku meso obe;+Ipulankanya michima ya balwanyi ba mfumu.+   Lesa jo jitanda jobe ja myaka ne myaka;+Ndondo ya bufumu bobe yo ndondo ya bololoke.*+   Obewa watemenwe bololoke,+ ne kushikwa bubi.+ O ene mambo Lesa, Lesa wobe o akushingijile manyi+ a lusekelo+ kukila bakwenu.   Bivwalo byobe byonse byanunkila manyi a mola ne a maalo ne a kasiya;Konka ku kipango kikatampe kya mfumu kya meno a banzovu, bijimba bya mizhinge bimusangajike.   Baana ba bakazhi ba mfumu baji pa banabakazhi banemekwa. Muka mfumu* waimana ku kuboko kobe kwa kilujo, saka avwala ngolode ya ku Ofila.+ 10  Umvwa, obewa mwanami wa mukazhi, teshako muchima ne kuteleka;Lubako ku bantu bobe ne ku nzubo ya bashobe. 11  Kabiji mfumu ukalangulukanga pa buya bobe,Mambo ye nkambo yobe,Onkao mambo, mufukamine. 12  Mwana wa mukazhi mwina Tila ukaleta bupe;Banabalume baji na bunonshi bwavula bakakebanga amba wibobile bibusa.* 13  Mwana wa mukazhi wa mfumu wikala bingi na lukumo mu jilapa;*Uvwala bivwalo bya* ngolode. 14  Bakamuleta ku mfumu saka avwala bivwalo* byo bapikula bulongo. Balunda nanji ba bisungu bamulondela bakebaleta kwi obewa. 15  Bakebaleta saka basekela ne kusangalala;Bakatwela mu kipango kya mfumu. 16  Baana bobe bakapingakena pa bifulo bya bashakulu bobe. Ukebatongola kwikala ba bitumbafumu pa ntanda ponse.+ 17  Nkabulañana jizhina jenu ku bisemi byonse bikeya.+ O ene mambo bantu o bakemutotelanga myaka ne myaka.

Tubyambo twa munshi

Mu Kihebelu, “Mingilo yami ya.”
Nangwa’mba “peni ya.”
Nangwa’mba “kuyilako palutwe.”
Mu Kihebelu, “kukufunjisha.”
Nangwa’mba “bunchibamambo bwawama.”
Nangwa’mba “Mwaji wa mfumu.”
Nangwa’mba “kunekenya pa meso.”
Mu Kihebelu, “nzubo.”
Mu Kihebelu, “byo banengezha na.”
Nangwa, “mu minkukumba yo bapikula.”