Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 44:1-26

BIJI MU BUKU

  • Lulombelo lwa kukeba bukwasho

    • “Yenu mwitupokolwele” (7)

    • “Nobe mikooko yo bakeba kwipaya” (22)

    • “Imanai mwitukwashe!” (26)

Kwi ntangi. Salamo wa baana ba kwa Kola.+ Masikila.* 44  Anweba Lesa, twiumvwina atwe bene,Bashakulu betu betubuula,+Mingilo yonse yo mwaubile mu moba abo,Mu moba a kala.   Mwapangile bisaka bya bantu na kuboko kwenu+Ne kwikazha bashakulu betu konkakwa.+ Mwashinjile bisaka bya bantu ne kwibipangamo.+   Mpoko yabo kechi yo yalengejile kuba’mba batambule kyokya kyalo ne,+Kabiji kuboko kwabo kechi ko kwibalengejile kushinda ne.+ Ke na mambo a kuboko kwenu kwa kilujo ne mukoko wenu+ ne kyeya kya mu kilungi kyenu,Mambo anweba mwasekejile mwi abo.+   Anweba Lesa, yenu Mfumu wami;+Kambizhai* kuba’mba Yakoba ashinde.*   Na bulume bwenu, tukapanga balwanyi betu;+Na mambo a kuketekela mu jizhina jenu, tukanyantaula aba betwimena.+   Mambo kechi naketekela mu buta bwami bwa mukanda ne,Kabiji mpoko yami kechi yakonsha kumpulusha ne.+   Yenu mwitupokolwele ku balwanyi betu,+Yenu mwibalengeshe bumvu aba betushikwa.   Tukatotanga Lesa kimye kyonse,Kabiji tukasanchilanga jizhina jenu myaka ne myaka. (Selah)   Pano luno mwitutaya ne kwitulengesha bumvu,Kabiji mwaleka kukwasha nzhita yetu. 10  Mwitulengela kunyema balwanyi betu;+Aba betushikwa basenda bintu byonse byo bakeba. 11  Mwitupana kuba’mba betuje nobe mikooko;Mwitupalañenya mu bisaka bya bantu.+ 12  Mwapotesha bantu benu kyatu;+Kafwako kyo mwamwenamo mu kwibapotesha* ne. 13  Mulengela kwitwendeleka ku boba bo twikala nabo kipikipi,Ne kwitwambila mwenga ne kwituseka ku boba betuzhokoloka. 14  Mulengela kwituseka* ku bisaka bya bantu,+Ne kwitulengela kwikala kintu kilengela bantu kupukunya mitwe yabo. 15  Kindenga bingi bumvu kimye kyonse,Kabiji naumvwa bingi bumvu, 16  Na mambo a myendeleko ne matuka abo,Ne na mambo a mulwanyi wetu ubena kushinkanya. 17  Bino bintu byonse bitufikila, pano bino kechi twimuvulama ne,Kabiji kechi twaonauna lulayañano lwenu ne.+ 18  Michima yetu kechi yafuma kwi anweba ne;Maulu etu kechi asenduka mu jishinda jenu ne. 19  Bino mwitushinjila mu mpunzha mwikala balubwala;Mwituvweta mfishi ikatampe. 20  Umvwe twijivulamine jizhina ja Lesa wetuNangwa inge twasuntwile maboko etu ne kulomba kwi lesa ungi, 21  Nanchi Lesa kechi wakonsha kuyuka kino nenyi? Aye ye wayuka byafyamika bya mu muchima.+ 22  Na mambo a anweba, babena kwitwipaya juba jonse;Tujitu nobe mikooko yo bakeba kwipaya.+ 23  Buukai. Mambo ka o mwakilaajila, anweba Yehoba?+ Buukai! Kange mwitutaye myaka ne myaka ne.+ 24  Mambo ka o mufila kilungi kyenu? Mambo ka o mwavulamina lumanamo lwetu ne bya malwa byetu? 25  Mambo atweba* betuponeshesha pa maloba;Mibiji yetu beichinchimikila panshi.+ 26  Imanai mwitukwashe!+ Tupokololai* na mambo a butemwe bwenu bubula kwaluka.+

Tubyambo twa munshi

Nangwa’mba “Panai.”
Nangwa’mba “lupulukilo lukatampe.”
Nangwa’mba “mu mutengo wabo.”
Mu Kihebelu, “Mwitulengela kwikala kishimpi.”
Nangwa’mba “myeo yetu beiponeshesha.”
Mu Kihebelu, “Tukuulai.”