Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 39:1-13

BIJI MU BUKU

  • Bumi bwa mobatu acheche

    • Muntu ujitu nobe muya (5, 11)

    • “Kange muvulame mipolo yami ne” (12)

Kwi ntangi; wa kwa Yedutuna.*+ Lwimbo wa kwa Davida. 39  Naambile namba: “Nkalama jishinda jamiKuchina’mba nakalenga mambo na lujimi wami.+ Nkakasa kanwa kami na lutambo+Kimye kyonse babi kyo bakekala po nji.”   Nakankelwe bya kwamba kabiji nazhindaminetu;+Naubiletu nzoo nangwatu pa bintu byawama,Bino misongo yami yaswezhezhe.*   Muchima wami wafutumukilenga* mukachi kami. Byo nalangulukile langulukilenga,* nateemenenga nobe mujilo. Kepo naambile namba:   “Anweba Yehoba, nkwashai ngyuke bikekala mpelo yami,Ne kuvula kwa moba ami,+ Pa kuba’mba ngyuke bumi bwami byo bwaipipa.*   Kine, mwalengela moba a bumi bwami kukepa;*+Ne myaka ya bumi bwami yo yatutu kwi anweba.+ Kine, muntu yense nangwa kya kuba amweke nobe waikala bulongo, ye watu kabiji ujitu nobe muya.+ (Selah)   Kine, muntu yense wendatu nobe kimvule. Upitañana* kyatutu. Ubungizha bunonshi, kwa kubula kuyuka muntu ukebuja.+   Anweba Yehoba, ñanyi kintu kyo nafwainwa kuketekela? Anweba yenu naketekelatu.   Mpokololai ku mizhilulwila yami yonse.+ Kange muleke bantu bakosama bañendelekenga ne.   Nakankelwe kwamba;Kechi naasamikile kanwa kami ne,+Mambo yenu mwikyubile.+ 10  Fumyai kinkunka kyo mwaletele pe amiwa. Nakooka mambo kuboko kwenu kubena kumpuma. 11  Anweba molola muntu pa kumukambula na mambo a bubi bwanji;+Monauna bintu byo anemeka byonkatu byuba kanzumbulu. Kine, muntu yense ujitu nobe muya.+ (Selah) 12  Anweba Yehoba, umvwai lulombelo lwami,Telekai ku kujila kwami kwa kukeba bukwasho.+ Kange muvulame mipolo yami ne. Mambo amiwa nemwenyitu kwi anweba,+Nekañenda upitañanatu* byonka byajinga bashakulu bami bonse.+ 13  Kange muntale na bukaji ne, pa kuba’mba nsangalale,Byo nkyangye kufwa ne kuzhimañana.”

Tubyambo twa munshi

Nangwa’mba “yakijilemo.”
Mu Kihebelu, “watwile kyuya.”
Nangwa’mba “nabinzhilenga.”
Nangwa’mba “byo ngikalatu kimye kicheche.”
Mu Kihebelu, “bula bwa mu kuboko.”
Mu Kihebelu, “uba kyungwe.”
Nangwa’mba “Wafuma ku kyalo kingi.”