Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 146:1-10

BIJI MU BUKU

  • Ketekelai mwi Lesa, kechi mu bantu ne

    • Pa kufwa, milanguluko ya muntu yonaika (4)

    • Lesa winuna banyeñamina panshi (8)

146  Totai Yehoba!*+ Muchima wami yense* atote Yehoba.+   Nkamutotanga Yehoba mu bwikalo bwami bonse. Nkembanga nyimbo ya kutota Lesa wami moba onse a bumi bwami.   Kange muketekele mu baana ba bamfumu*Nangwa mu mwana muntu ukabula kukonsha kwimupulusha ne.+   Mupashi* wanji ulupukamo, aye ubwela ku mushiji;+Pa jonkaja juba milanguluko yanji yonaika.+   Ye mwine wa lusekelo awa ye bakwasha kwi Lesa wa kwa Yakoba,+Yenka waketekela mwi Yehoba Lesa wanji,+   Mulenga wa jiulu ne ntanda,Kalunga ka mema ne byonse bijimo,+Yenka waikala wa kishinka myaka ne myaka,+   Ye uchibila mambo aba bo bajimbaika,Ye upana kajo ku bafwa nzala.+ Yehoba ubena kukasulula bakaili.*+   Yehoba ubena kulabisha meso a bampofu;+Yehoba ubena kwinuna aba banyeñamina panshi;+Yehoba watemwa baoloka.   Yehoba ubena kuzhikijila bantu bafuma ku kyalo kingi;Ukosesha mwana wabula bashanji ne mwanamukazhi wafwilwa,+Bino uvulañanya bikeba kuba babi.*+ 10  Yehoba ukekala Mfumu myaka ne myaka,+Obewa Ziona, Lesa wobe ukekala mfumu ku bisemi byonse. Totai Yehoba!*

Tubyambo twa munshi

Nangwa’mba “Aleluya!”
Nangwa’mba “mweo wami.”
Nangwa’mba “babinemanga.”
Nangwa’mba “muya.”
Mu Kihebelu, “bo bakasa.”
Nangwa’mba “ulengela jishinda ja babi kutama.”
Nangwa’mba “Aleluya!”