Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 138:1-8

BIJI MU BUKU

  • Nangwa kya kuba Lesa watumbalala, aye uta bantu muchima

    • ‘Mwakumbwile lulombelo lwami’ (3)

    • ‘Nangwatu mu bya malwa, mumpokolola’ (7)

Salamo wa Davida. 138  Nkemutota na muchima wami yense.+ Ku meso a balesa bangi,Nkembanga nyimbo ya kutota.*   Nkafukama konka ku nzubo yenu yazhila,*+Ne kutota jizhina jenu+Na mambo a butemwe bwenu bubula kwaluka ne bukishinka bwenu. Mambo mwatumbijika byambo byenu ne jizhina jenu kukila bintu byonse.*   Pa juba jo nemwichile, mwangitabile;+Mwandengejile kuchinchika* ne kukosa.+   Bamfumu bonse ba pano pa ntanda bakemutota anweba Yehoba,+Mambo bakomvwa milaye yenu yo mwalaya.   Bakembanga pa mashinda a Yehoba,Mambo lukumo lwa Yehoba lwabaya.+   Nangwa kya kuba Yehoba watumbalala bingi, umona bantu bepelula,+Pakuba bantu belundumika wibayukila kwalepa.+   Nangwa napita mu bya malwa, anweba mukandama na bumi.+ Mutanyika kuboko kwenu pa balwanyi bami;Kuboko kwenu kwa kilujo kukampulusha.   Yehoba ukafikizha byonse byo amfuukwila. Anweba Yehoba, butemwe bwenu bubula kwaluka bo bwa myaka ne myaka;+Kange muvulame mingilo ya maboko enu ne.+

Tubyambo twa munshi

Nangwa, “Byo nkalengulula balesa bakwabo, nkemwimbila nyimbo.”
Nangwa’mba “nzubo yazhila.”
Nangwa, “mwatumbijika byambo byenu kukila jizhina jenu jonse.”
Nangwa’mba “kuchinchika mu mweo wami.”