Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 118:1-29

BIJI MU BUKU

  • Kusanta na mambo a kushinda kwa Yehoba

    • ‘Naichile Yehoba, ne aye wankumbwile’ (5)

    • “Yehoba uji ne amiwa” (6, 7)

    • Jibwe jo balengulwile jikekala ke jibwe jikatampe ja pa jikonka (22)

    • ‘Awa ubena kwishila mu jizhina ja Yehoba’ (26)

118  Musanchilai Yehoba, mambo wawama;+Butemwe bwanji bubula kwaluka bo bwa myaka ne myaka.   Isalela ambe’mba: “Butemwe bwanji bubula kwaluka bo bwa myaka ne myaka.”   Ba mu nzubo ya kwa Alona bambe’mba: “Butemwe bwanji bubula kwaluka bo bwa myaka ne myaka.”   Aba bakamwa Yehoba bambe’mba: “Butemwe bwanji bubula kwaluka bo bwa myaka ne myaka.”   Naichile Yehoba byo napichilenga mu bya malwa;Yehoba wankumbwile ne kundeta mu mpunzha mwazhikijilwa.*+   Yehoba uji ne amiwa; kechi nkachina ne.+ Muntu angube ka?+   Yehoba uji ne amiwa kabiji ye nkwasho wami;*+Nkatalanga bikamwekela boba banshikwa.+   Kyawama kufyama mwi YehobaKukila kuketekela mu bantu.+   Kyawama kufyama mwi YehobaKukila kuketekela mu babinemanga.+ 10  Bisaka byonse bya bantu byanzhokolokele,Bino mu jizhina ja Yehoba,Mo mo nebapangijile.+ 11  Banzhokolokele, kine banzholokokeletu konse konse,Bino mu jizhina ja Yehoba,Mo mo nebapangijile. 12  Bambumbile nobe nyuki,Bino bazhimine bukiji nobe mujilo ubena kuteema mu kipupu kya miba. Mu jizhina ja Yehoba,Mo mo nebapangijile.+ 13  Banshinjikile* na bulume amba mpone,Bino Yehoba wankwashishe. 14  Yehoba kyo kya kwikalamo kyami kabiji bo bulume bwami,Kabiji ye lupulukilo lwami.+ 15  Jiwi ja lusekelo ne ja lupulukilo*Jiji mu matente a baoloka. Kuboko kwa Yehoba kwa kilujo kubena kumwesha bulume bwako.+ 16  Kuboko kwa Yehoba kwa kilujo kubena kwitumbijika;Kuboko kwa Yehoba kwa kilujo kubena kumwesha bulume bwako.+ 17  Kechi nkafwa ne, bino nkekala na bumi,Pa kuba’mba nkambenga pa mingilo ya kwa Yehoba.+ 18  Yehoba wankajipijile bingi,+Bino kechi wamfikizhe ku lufu ne.+ 19  Nshinkwilai bibelo bya bololoke;+Nsakutwelamo ne kutota Yehoba. 20  Kino kyo kibelo kya Yehoba. Baoloka mo bakatwelela.+ 21  Nkemutota, mambo mwankumbwile+Kabiji mwaikele lupulukilo lwami.  22  Jibwe jo balengulwile bantungi,Jo jaikala jibwe jikatampe ja pa jikonka.*+  23  Yehoba ye wauba kino;+Kyo kya kukumya ku meso etu.+  24  Jino jo juba ja Yehoba;Tusakusekela ne kusangalala mu jino juba.  25  Twapopwela anweba Yehoba, tupulushai! Anweba Yehoba, kine tulengelai kushinda!  26  Watokwa awa wishila mu jizhina ja Yehoba;+Twimupesha monka mu nzubo ya Yehoba.  27  Yehoba ye Lesa;Witupa kyeya.+ Inungai ku babena kuya ku kijiilo baji na misampi mu maboko,+Kukafika ne ku nsengo ya ku kya kusokelapo bitapisho.+  28  Yenu Lesa wami kabiji nkemutotanga;Lesa wami, nkemutumbijikanga.+  29  Musanchilai Yehoba,+ mambo wawama;Butemwe bwanji bubula kwaluka bo bwa myaka ne myaka.+

Tubyambo twa munshi

Nangwa’mba “mpunzha yabaya.”
Nangwa, “pamo na boba babena kunkwasha.”
Nangwa, “Mwanshijikile na ngovu.”
Nangwa’mba “kushinda.”
Mu Kihebelu, “mutwe wa jikonka.”