Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 108:1-13

BIJI MU BUKU

  • Lulombelo lwa kushinda balwanyi

    • Bantu kechi bakonsha kupulusha bakwabo ne (12)

    • “Lesa uketupa bulume” (13)

Lwimbo wa kwa Davida. 108  Muchima wami washikimana, anweba Lesa. Nkemba nyimbo ya kwimutota na muchima wami yense.*+   Buuka, obewa kijimba kya mizhinge; ne obewa kyansa.+ Nkabuuka ku makya.   Nkemutota mu mitundu ya bantu, anweba Yehoba,Nkemwimbila nyimbo ya kwimutota mu bisaka bya bantu.   Mambo butemwe bwenu bubula kwaluka bwabaya, bwalepa nobe mwiulu,+Ne bukishinka bwenu, bwafika ne mu makumbi.   Anweba Lesa, tumbijikwai mwiulu;Lukumo lwenu lwikale pano pa ntanda ponse.+   Pa kuba’mba aba bo mwatemwa bapuluke,Tupulushai na kuboko kwenu kwa kilujo ne kunkumbula.+   Lesa waamba mu buzhile bwanji* amba: “Nkasangalala, nkapana Shekema+ kwikala kya buswanyi,Kabiji nkapima Kimpachiko* kya Sukota.+   Mpunzha ya Gileada+ ne ya Manase o ami,Ne Efelaimu ye kampompo* ka ku mutwe wami;+Yuda yo ndondo ya kalama wami.+   Moabu ye shomeka wami wa kowelamo.+ Nkataya nkwabilo yami pe Edomu.+ Nkabijikanga na lusekelo pa kushinda Filishitiya.”+ 10  Ñanyi ukandeta mu muzhi uji na nsakwa? Ñanyi ukantwala ku Edomu?+ 11  Nanchi kechi anweba Lesa, yenka witukaine,Lesa wetu, yenka waleka kukwasha nzhita yetu nenyi?+ 12  Tukwashai mu bya malwa byetu,+Mambo kuketekela bantu kwitupulusha ko kwatu.+ 13  Lesa uketupa bulume,+Kabiji ukanyantaula balwanyi betu.+

Tubyambo twa munshi

Mu Kihebelu, “na lukumo lwami.”
Nangwa, “mu mpunzha yanji yazhila.”
Nangwa’mba “Musanza.”
Mu Kihebelu, “nsakwa yakosa.”