Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 106:1-48

BIJI MU BUKU

  • Kubula lusanchilo kwa bena Isalela

    • Balubilemo bukiji mingilo ya Lesa (13)

    • Lukumo lwafwainwa kuya kwi Lesa belupana ku kipashañano kya mwana ñombe (19, 20)

    • Kechi bajinga na lwitabilo mu mulaye wa Lesa ne (24)

    • Bapopwejilenga Baela (28)

    • Baana bebatapisha ku bandemona (37)

106  Totai Yehoba!* Musanchilai Yehoba, mambo wawama;+Butemwe bwanji bubula kwaluka bo bwa myaka ne myaka.+   Ñanyi wakonsha kwamba pa mingilo ya Yehoba yonse ya bulumeNangwa kusapwila pa mingilo yanji yonse yafwainwa kumutotelapo?+   Bo bene ba lusekelo balama bunchibamambo bwaoloka,Boba byaoloka kimye kyonse.+   Anweba Yehoba, mukamvuluke byo mukobila bibusa* bantu benu.+ Ntai muchima ne kumpulusha,   Pa kuba’mba nsekele mu buwame bo mumwesha basalwa benu,+Kuba’mba nsangalele pamo na kisaka kyenu,Pa kuba’mba nemutotele pamo na buswanyi bwenu.   Twalenga mambo byonkatu byaubile bashakulu betu;+Twatamisha; twauba kintu kyatama.+   Bashakulu betu mu Ijipita kechi basanchile* pa mingilo yenu ya kukumya ne. Bavulamine butemwe bwenu bwavula bubula kwaluka,Bino basatukile ku kalunga ka mema, konka ku Kalunga ka Mema Kachila.+   Bino wibapulwishe na mambo a jizhina janji,+Kuba’mba ebamweshe bulume bwanji.+   Wakajipijile Kalunga ka Mema Kachila, kabiji kaumine;Wibendeshe panshi ya kalunga ka mema nobe mu kiselebwa;+ 10  Wibapokolwele mu kuboko kwa mulwanyi wabo+Ne kwibakuula kufuma mu kuboko kwa mulwanyi.+ 11  Mema alobeshe balwanyi babo;Kafwako nangwa umo wapulukile ne.*+ 12  Kepo baketekejile mulaye wanji;+Batendekele kwimba nyimbo ya kumutota.+ 13  Pano bino, balubilemo bukiji bintu byo aubile;+Kechi bapembejile mafunde anji ne. 14  Batele maana ku byakebelenga michima yabo na lwiso mu kiselebwa;+Bamwesekele Lesa monka mu kiselebwa.+ 15  Wibapele bintu byo balombele,Bino wibapumine na kikola kibalengejile kunyana.+ 16  Bamubijile kichima Mosesa mu kampuNe Alona,+ wazhila wa Yehoba.+ 17  Kepo mushiji aasamine ne kumina DatanyiKabiji wazhiikile jibumba jajinga ne Abilama.+ 18  Mujilo wateemene mukachi ka jibumba jabo;Lubebe lwa mujilo lwasokele babi.+ 19  Balengele mwana ñombe ku HolebaNe kufukamina kipashañano kya kyela;*+ 20  Bapimpwile lukumo lwamiNa kipashañano kya ñombe uja nsono.+ 21  Bavulamine Lesa+ Mupulushi wabo,Yenka waubile bintu bikatampe mu Ijipita,+ 22  Mingilo ya kukumya yo aubile mu kyalo kya kwa Hama,+Bintu bilenga moyo byo aubile pa Kalunga ka Mema Kachila.+ 23  Aye wajingatu pepi kukambizha’mba bebonaune,Bino Mosesa wasalwa wanji wamusashijile*Kuba’mba afwomone bukaji bwanji bukatampe.+ 24  Kabiji abo balengulwile kyalo kyawama;+Kechi baketekejile mulaye wanji ne.+ 25  Batwajijile na kunyinyita mu matente abo;+Kechi baumvwijile jiwi ja Yehoba ne.+ 26  Onkao mambo, watanyikile kuboko kwanji ne kuchipa na mambo a aboAmba ukebalengela kufwila mu kiselebwa;+ 27  Ukalengela baana babo kufwila mu bisaka bya bantu,Ne kwibapalañenya mu byalo byonse.+ 28  Kepo batendekele kupopwela* Baela wa ku Peola,+Kabiji bajiilenga bitapisho byo batapishishanga bafu.* 29  Bamuzhingijishe na mambo a byubilo byabo,+Ne mwalo waishile mukachi kabo.+ 30  Bino Finease byo aimene ne kubapo kimo,Mwalo wapwile.+ 31  Kabiji bamutelele’mba mololokeKufikatu ne ku bisemi byonse myaka ne myaka.+ 32  Bamuzhingijishe ku mema a ku Meliba,*Ne bintu byamutamijile bingi Mosesa na mambo a abo.+ 33  Bamufichishe ku muchima,Ne aye waambile na byatunwa byanji kwa kubula kutekanya.+ 34  Kechi baipayile mitundu ya bantu,+Byonka Yehoba byo ebakambizhe ne.+ 35  Bino abo bakwatankene na bisaka bya bantu+Ne kufunda mashinda abyo.+ 36  Batwajijile na kwingijila bankishi babo,+Kabiji abano baikele ke kitewa kwi abo.+ 37  Batapishenga baana babo ba balumeNe baana babo ba bakazhi ku bandemona.+ 38  Baichijilenga mashi abula mambo,+Mashi a baana babo ba balume ne ba bakazhiBonka bo batapishishanga bankishi ba mu Kenana;+Ne kyalo bekizhilulwile na mambo a kwichila mashi. 39  Bezhilulwile na mambo a mingilo yabo;Babujile bukishinka kwi Lesa* na mambo a byubilo byabo.+ 40  Onkao mambo, bukaji bwa Yehoba bwabukijile bantu banji,Kabiji washikilwe buswanyi bwanji. 41  Watwajijile na kwibapana ku bisaka bya bantu,+Kuba’mba aba bebashikilwe bebalamenga.+ 42  Balwanyi babo bebamanyikilenga,Kabiji bakookejilenga bulume* bwa balwanyi babo. 43  Bimye byavula wibapokolwelenga,+Bino abo bamusatukilanga ne kukana kumukookela,+Kabiji wibapelulanga na mambo a bubi bwabo.+ 44  Nangwa byonkabyo, wamonanga byo bamanamanga+Ne kumvwa kujila kwabo kwa kukeba bukwasho.+ 45  Na mambo a abo wavulukanga lulayañano lwanji,Kabiji wibomvwinanga lusa* na mambo a butemwe bwanji bukatampe* bubula kwaluka.+ 46  Wibalengejilenga kwibomvwina lusaKu bonse bebakwachile buzha.+ 47  Tupulushai, anweba Yehoba Lesa wetu,+Kabiji tukonkanyai pamo kufuma mu bisaka bya bantu+Pa kuba’mba tusanchilenga jizhina jenu jazhilaNe kusangalela mu kwimutota.*+ 48  Yehoba, Lesa wa Isalela atotweMyaka ne myaka.+ Kabiji bantu bonse bambe’mba, “Amena!”* Totai Yehoba!*

Tubyambo twa munshi

Nangwa’mba “Aleluya!”
Nangwa’mba “bintu byawama.”
Nangwa’mba “kukwatakanya.”
Nangwa’mba “washajilepo.”
Nangwa’mba “kipashañano kya kusungulula.”
Mu Kihebelu, “waimene ku meso anji.”
Nangwa’mba “bevwangile bene kwi.”
Ko kuba’mba, bitapisho byo bapananga ku bantu bafwa nangwa balesa babula kupema.
Kulumbulula’mba “Kutoboka.”
Nangwa’mba “kuba bupite bwa ku mupashi.”
Mu Kihebelu, “kuboko.”
Nangwa’mba “kwilangulusha.”
Nangwa’mba “bwavula.”
Nangwa’mba “kusangalela mu kutotwa kwenu.”
Nangwa’mba “Kikale byonkabyo.”
Nangwa’mba “Aleluya!”