Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Salamo 101:1-8

BIJI MU BUKU

  • Kalama ubena kulama mu bukishinka

    • ‘Kechi nkaleka muntu wilundumika ne’ (5)

    • “Nkatalanga ku ba kishinka” (6)

Salamo wa Davida. Lwimbo. 101  Nkembanga pa butemwe bubula kwaluka ne pa bunchibamambo bwaoloka. Nkemba nyimbo ya kwimutota anweba Yehoba.   Nkobanga bintu na maana kabiji kwa kubula kaneneno.* Ñanyi kimye kyo mukeya kwi amiwa? Nkendanga mu bulumbuluke bwa muchima+ monka mu nzubo yami.   Kechi nkabika kintu kyatutu* kulutwe yami ne. Nashikwa byubilo bya boba bakana kuba bintu byaoloka;+Kechi mpwanañana nabo ne.*   Yense uji na muchima wa bujimbijimbi uji kwalepa ne amiwa;Kechi nkaswa kintu kyatama ne.   Muntu yense uyebeka mukwabo ku mbaji,+Nkamuzhindamikapo.* Yense wilundumika ne kwitota mu muchima,Kechi nkamulekatu ne.   Nkatalanga ku ba kishinka ba pano pa ntanda,Pa kuba’mba bakekalenga ne amiwa. Awa wenda kwa kubula kaneneno* ukañingijilanga.   Kafwako muntu wa bujimbijimbi ukekala mu nzubo yami ne,Kabiji kafwako muntu wa bubela ukemana mu kyenyi kyami ne.*   Kimye kyonse lukelo nkonaunanga babi bonse ba pano pa ntanda,Ne kwipaya bonse boba byatama mu muzhi wa Yehoba.+

Tubyambo twa munshi

Nangwa’mba “bulumbuluke.”
Nangwa’mba “kyabula munda ne munyuma.”
Nangwa’mba “Mingilo yabo kechi ikakachila kwi amiwa ne.”
Nangwa’mba “nkamufumyapo.”
Nangwa’mba “mu bulumbuluke.”
Mu Kihebelu, “ku meso ami ne.”